Juventus, Higuain rrezikon skualifikimin në Champions

Postuar: 13/09/2017 - 16:25

Një ndeshje e shëmtuar, një episod i pafalshëm. Gonzalo Higuain e ka mbyllur mbrëmjen në “Camp Nou” me një gjest të shëmtuar. Pasi është zëvendësuar në minutën e 87-të nga i riu Cagliara, “El Pipita” i është përgjigjur lumit të vërshëllimave të tifozëve të Barcelona-s duke i treguar atyre gishtin e mesit. Një veprim i papranueshëm për një lojtar të nivelit të tij, që për herën e 12-të në karrierën e tij nuk ka arritur të shënojë në fushën e katalanasve dhe që ka dështuar përsëri në një ndeshje të rëndësishme të Champions League.

Juventus, që kërkon të kthehet të ngrejë në qiell një kupë që ka qenë e mallkuar në vitet e fundit, ka nevojë për golat e argjentinasit, veçanërisht në sfidat si ajo e “Ca“mp Nou”. Higuain ka realizuar 5 gola në 12 ndeshje të luajtura vitin e kaluar në Champions, një kundër Lyon, dy ndaj Dinamos së Zagrebit dhe dy ndaj Monaco dhe zero në finalen e Kardifit.

Këtë vit Juventus uron që gjërat të ndryshojnë, por ndeshja e parë europiane ka qenë negative. Ai ka dështuar dhe tani rrezikon skualifikimin. Precedentet nuk janë në favor të argjentinasit. Roberto Mancini është skualifkuar për një ndeshje në Serie A pasi i tregoi gishtin e mesit tifozëve të Milan. E njëjta gjë ka ndodhur me Luis Suarez në kohën e Livepool, kur ai u skualifikua për një ndeshje pasi i tregoi gishtin e mesit tifozëve të Fulham.

Arbitri Busacca, në Zvicër, u skualifikua për tri ndeshje pasi bëri të njëjtin gjest ndaj tifozëve të Baden, fajtorë për kore të shumta fyese kundrejt tij. Frimpong, mesfushor ganez i UFA, në Rusi, është skualifikuar për tri ndeshje pasi i tregoi gishtin tifozëve për kore raciste. Ndërsa kanë shkuar më mirë gjërat për Carlo Ancelotti, i cili është falur nga komisioni gjerman i disiplinës pasi i tregoi gishtin e mesit tifozëve të Hertha Berlin. Vendimi përfundimtar do t’i takojë UEFA-s.

/portali DurresLajm/

Na bëni like në facebook!: 

Lajme nga e njëjta kategori

Historia e tij mund të duket e pabesueshme, por është e vërtetë.

Alarm për bombë në klubin e Shtutgartit dhe këtë radhë nuk bëhet fjalë për një nga ato të rremët me telefon qe thjesht prishin punë për d

Kur përmend emrin e Maradonës në Napoli duhet të kesh shumë kujdes dhe t’i drejtohesh me respektin e duhur, pasi pakkush mund të gëzojë r

Kiara Biasi, e dashura e sulmuesit italian të skuadrës së Valencias, Simone Zaza, ka postuar një mesazh në rrjetin social “Instagram” men

Trajneri portugez i Mançester Junajtid, Zhoze Murinjo ka një nga rekordet më të rralla në futboll.

Edhe nëse sistemi VAR ka gabuar, gafa nuk do të regjistrohet si e tillë.

Për Presidentin Nasser Al-Khelaifi nuk ka asgjë serioze dhe janë gazetarët ata që shpikin probleme, por realiteti duket krejt ndryshe.

Teuta është e para në renditje me gjashtë pikë të plota dhe në Durrës nuk e kishin menduar që do merrnin kaq pikë, por presidenti Edmond

Mesfushori i Teutës, Arbër Çyrbja e ka konsideruar me shumë vlera fitoren në transfertën e vështirë të Shkodrës.

   Në plazhin e Durrësit është duke u zhvilluar prej disa ditësh Kampionati Ballkanik për Beach Volleyball per meshkuj e femra, turne qe