Juventus tani vlen 1 miliard euro, Sarri ka një armatë të frikshme nën urdhra

21/07/2019 - 19:27

Mauricio Sarri ka një “bandë” të denjë për të bërë tifozët të ëndërrojnë, një “tank” me nëntë zero, më saktësisht me vlerë prej 1 miliard e 19 milionë eurosh. Këtë e konfirmon instituti i statistikave “CIES”, mbi të cilin bazohen edhe shumë të dhëna të FIFA-s, mbi studimet e sportit më të bukur në botë.

Sigurisht që këto të dhëna janë teorike, jo praktike, pasi siç dihet, futbolli është gjithçka përveçse një shkencë ekzakte, por nëse realisht ky grup aktual ka këtë vlerë, apo ndoshta më shumë sesa kaq (çmimet llogariten në varësi të tregut, jo të kërkesave të klubit), duhet ta tregojë në fushë, në sezonin që pritet të fillojë e në vazhdim.

Gjithsesi, mjafton të lexosh shifrën prej 1 miliard e 19 milionë eurosh për të kuptuar “forcën e zjarrit” që ka në dispozicion trajneri i ri bardhezi, i cili gjithsesi duhet të nisë të bëjë edhe disa vlerësime më të thella, duke qenë se mes 29 lojtarëve, disa duhet të largohen, por kjo nuk do të thotë se Juventusi është ngopur me blerjet sivjet.

Përkundrazi, drejtori Fabio Paratiçi, pas mbylljes së kontratës me Matajs De Ligtin (së bashku me Ronaldon kap vlerën më të lartë të grupit, prej 110 milionë eurosh), tani do të nisë edhe një punë më të vështirë për të spastruar disa emra si për shembull Sami Khedira, Gonzalo Higuain, apo ndoshta edhe Mario Manxukiç, Moise Ken apo edhe Zhoao Kanselo e deri te mundësia e Paulo Dibalës.

Për të gjithë këta, ofertat kanë kohë që vijnë, por deri tani ka qenë e vështirë që të kënaqen si dëshirat e lojtarëve, po ashtu edhe ato të Juves. Nga ana tjetër, në radarët e “Zonjës së Vjetër” mbetet Mauro Ikardi, ish-kapiteni i Interit, që mbetet një rebus për t’u zgjidhur në këtë merkato, duke parë se në radhët e zikaltërve është vërtet i padëshiruar, por në Torino shihet si një bast që përçan tifozë dhe analistë, mbi afrimin e mundshëm.

Ndërkohë, dy emra të tjerë që mbahen gjithashtu nën vëzhgim janë Mateo Darmian dhe Kristiano Piçini, dy mbrojtës anësorë, respektivisht të Mançester Junajtid dhe Valencias, të cilët shihen si zëvendësuesit e mundshëm të Zhoao Kanselos, i cili duket i destinuar për ta lënë Torinon, me Mançester Sitin dhe Bajernin e Mynihut në sfond.

Por derisa spastrime dhe afrime të tjera të mundshme të lajmërohen nga kampionët e Italisë, Mauricio Sarri mund të shijojë dhe të vazhdojë punën, me “bandën” e tij prej 1 miliard eurosh. 

/portali DurresLajm/

Na bëni like në facebook!: 

Lajme nga e njëjta kategori

Sherif Kallaku nuk është më pjesë e Teutës, pasi do të vazhdojë karrierën me Lokomotivën e Zagrebit.

Futbolli holandez do të eksperimentojë një vendim historik që mund të ndryshojë përgjithmonë fytyrën e këtij sporti.

Maska në vendet publike, udhëtime vetëm me avionë privatë, ndalet në mënyrë kategorike shkëmbimi i fanellave.

Inter harron deklaratat e Contes, lë pas tensionin e fund sezonit dhe rikthehet fitues në Europa League, turne që dëshirojnë ti shkojnë d

Ashtu siç edhe lajmëroi Administratori i Interit Giuseppe Marotta në prag të ndeshjes së djeshme ndaj Getafes, sot ka ardhur edhe komunik

Atalanta mbylli një tjetër sezon mjaft të suksesshëm në kampionatin italian, ku ndryshe nga një vit më parë, këtë herë siguroi pjesëmarrj

Barcelona nuk ka hequr dorë nga ideja për të transferuar në "Camp Nou" sulmuesin argjentinas të Interit, Lautaro Martinez dhe këtë e konf

Roma do t’i shitet kompanisë amerikane “Friedkin Group” për 591 milionë euro. 

Teuta e këtij sezoni ishte ndër më të mirat e viteve të fundit, ku spikatën disa lojtarë të rinj, por u konfirmuan edhe disa individë me

Presidenti i Teutës, Edmond Hasanbelli është më i vjetri në detyrë në Kategorinë Superiore, duke e nisur më shumë se dy dekada më parë.