Kryeziu lë pas dëmtimin, Reja prova më rreshtimin

25/05/2019 - 15:57

Stërvitja e fundit për javën parapërgatitore të Kombëtares. 12 futbollistë të Shpresës”, bashkë me 10 lojtarët e thërritur paraprakisht nga Edi Reja mbeten në pritje të së martës, kur trajneri në një konferencë shtypi do të shpallë edhe listën zyrtare me futbollistët që do të ketë në dispozicion për ndeshjet me Islandën dhe Moldavinë.

Krejt ndryshe nga paraardhësi i tij, Reja ka një pikë të fortë komunikimin e shpeshtë me të gjithë lojtarët, duke preferuar të japë në çdo moment udhëzime të specifikuara për gjithsecilin. Me skuadrën këtë të shtunë është bashkuar edhe Drilon Kryeziu, që kishte munguar në dy seancat e mëparshme për shkak të një lëndimi.

Këtë herë tekniku ka preferuar të zhvillojë edhe dy minindeshje kontrolli, prej 30 minutash secila, brenda grupit. Reja ka bërë një miksim të lojtarëve në çdo skuadër, ndërkohë që mjaft interesant është fakti se në të dy formacionet e takimit të parë rreshtimi ishte 4-4-2, pavarësisht se Reja gjatë eksperiencave të tij të mëparshme ka krijuar idenë e një tekniku që preferon modulin 3-5-2.

Megjithatë, është ende herët për të folur për formacionin. Gjatë minindeshjeve të kontrollit, që përfunduan në barazim 0-0, me asnjë nga lojtarët që nuk mundi t’i gëzohej britmës së golit, ishte lehtësisht evidente dëshira dhe energjia e lojtarëve për të dhënë maksimumin, ashtu si dhe praktikimi për një qarkullim sa më të shpejtë të topit.

Të gjithë kanë qenë të fokusuar për të dhënë 100%, për ta ishte dita e fundit e provës në sytë e Rejas, me shpresën që impresionet të kenë qenë pozitive dhe të hënën të shohin emrin në listën përfundimtare.

/portali DurresLajm/

Na bëni like në facebook!: 

Lajme nga e njëjta kategori

Eden Hazard u nga Çelsi në merkaton e verës, teksa kompletoi kalimin e tij te Real Madridi.Belgu nuk po kalon një moment të mirë dhe traj

Asambleja e klubit të Juventusit do të mblidhet më 24 tetor të këtij viti, ndërsa Këshilli i Administrimit do t’u kërkojë një rritje të k

Mbrëmjen e djeshme janë ndezur për herë të parë projektorët e stadiumit të ri që po ndërtohet në kryeqytet, “Arenës kombëtare”, ku punime

Teuta u ka dhënë dorën e fundit përgatitjeve në kuadër të sfidës së të shtunës që do të zhvillojë në Korçë me Skënderbeun.

Ka mbetur vetëm të njoftohet data e inaugurimit të Stadiumit “Al Bayt” në Katar, një nga vendet që do të mirëpresë ndeshjet e “Botërorit

Irani merr vendimin historik për lejimin femrave në stadium për të ndjekur ndeshjet e futbollit.