Lukaku vrapon drejt Interit, me… 36 kilometra/orë

12/07/2019 - 10:38

Po pret me padurim dhe ngulm t’i bash kohet Antonio Kontes dhe të veshë fanellën zikaltër. Ole Gunar Solskjaer i ka bërë të kuptojë se te Junajtid qëndron prapa Markus Rashfordit dhe pavarësisht se e ka grumbulluar me skuadrën në Perth (Australi), ku po zhvillohet faza përgatitore, momentalisht i ka kërkuar të punojë veçmas.

Megjithatë, Romelu Lukaku nuk dorëzohet. Bomberi belg, në fakt po kërkon të qëndrojë në formë optimale dhe në testet atletike ka regjistruar shpejtësinë maksimale prej 36 km/h, e dyta më e mirë në absolut e grupit. Pra, ka nisur vrapin “drejt” Milanos. Ndërkohë, dy klubet po diskutojnë për transferimin.

Mision i pamundur? Nuk është e thënë, përkundrazi. Sepse në ambientet e Interit filtron optimizëm, edhe për shkak të dëshirës së shprehur nga Lukaku. Jo rastësisht drejtori sportiv zikaltër, Piero Auzilio, fluturoi në Mejfer, Londër, lagjen më të pasur të qytetit, për t’u takuar me drejtuesit e Junajtid: më saktësisht, në rrugën “Stratton”, ku ndodhen zyrat e klubit të familjes Glejzër prej vitit 2011.

Mbledhja është zhvilluar pasditen e djeshme, sipas konfirmimit të mediave italiane. Auzilio është prezantuar me një ofertë zyrtare prej 70 milionë eurosh në total, mes huazimit dhe detyrimit të blerjes. Normalisht, anglezët duhet të japin një përgjigje, që pritet brenda ditëve të ardhshme, si për sa i përket pranimit të shifrës, po ashtu edhe metodës së pagesës.

Interi, pra, ka hedhur baza të rëndësishme për atë që shihet si blerja kryesore e merkatos.Jo më kot Konte e konsideron si sulmuesin e preferuar. Duke konsideruar statistikat e 7 sezoneve të fundit të Premier Ligës, sipas agjencisë “Opta”, 26- vjeçari ka qenë i vetmi lojtar së bashku me Sergio Agueron e Mançester Sitit që ka regjistruar shifër të dyfishtë golash. Pra, një garanci në fizik, shpejtësi dhe realizime.

/portali DurresLajm/

Na bëni like në facebook!: 

Lajme nga e njëjta kategori

Shumë i lumtur për golin e realizuar u shfaq Rey Manaj i cili u çlirua pas golit spektakolar që realizoi ndaj Moldavisë.

Natyrisht i kënaqur Edy Reja për këtë fitore historike të Shqipërisë në transfertë ndaj Moldavisë më e thella e arritur ndonjëherë.

Presidenti i Federatës Shqiptare të Futbollit Armand Duka vlerësoi me nota maksimale paraqitjen e kombëtares ndaj Moldavisë, por edhe pun

Ngjarje të pakëndshme në eliminatoren mes Bullgarisë dhe Anglisë, që përfundoi me fitoren e thellë 0-6 të "Tre Luanëve".

Ngjarje të pakëndshme në eliminatoren mes Bullgarisë dhe Anglisë, që përfundoi me fitoren e thellë 0-6 të “Tre Luanëve”.

Teuta afroi dy sulmues në merkaton e verës për të zëvendësuar largimet e Tomislav Bushiçit dhe Gerhard Prognit.

Klubi i Teutës po bën punime për të përmirësuar tapetin e stadiumit “Niko Dovana” dhe ka njoftuar se takimi i javës së 8 ndaj Flamurtarit

Ëndrra për Euro 2020 vazhdon. Kjo ëndërr për Kosovën u mbajt gjallë sot nga fitorja me rezultatin 2 me 0 kundër Malit të Zi.

Shqipëria kalon në avantazh ndaj Moldavisë në minutën e 22-të me një gol të shënuar nga Cikalleshi.

Sulmuesi Sokol Cikalleshi ka shkundur rrjetën e kundërshtarëve duke shënuar golin e parë për sfidën ndaj Moldavisë.