Maldini dhe Mendez hartojnë strategjinë, Milani ka gati planin për yllin portugez

13/08/2019 - 12:14

Në pritje për të larguar Kastijehon apo Laksaltin, te Milani bëjnë plane për të përforcuar më tej organikën. Dëshira e radhës mban emrin e Bruno Fernandesit, ylli i Sportingut të Lisbonës. Pas një sezoni fantastik, ku në 50 ndeshje shënoi 32 gola dhe ofroi 18 asiste, 24-vjeçari ishte shumë pranë kalimit te Mançester Junajtid, por edhe Totenhemi e Reali i Madridit e tentuan.

Pasi këtyre raundesh të dështuara bisedimesh, djaloshi ka “ngecur” në kryeqytetin e Portugalisë, të paktën për momentin, ndonëse ditë për të gjetur një skuadër të re ka ende shumë. Për ta lënë të lirë, Sportingu i Lisbonës ka qenë i qartë: pretendon 70 milionë euro, një shifër që Milani nuk e disponon aktualisht.

Gjithsesi, kuqezinjtë mund të ngrejnë në këmbë një plan për të arritur te Fernandes dhe për të bërë të mundur rikthimin e tij në Serinë A: ideja e Paolo Maldinit me shokë është ajo nis me shitjen e mundshme të Susos, për 30-35 milionë euro te Fiorentina ose Roma dhe më pas, këto para, plus kartonin e sulmuesit Andre Silva (vlerësohet 25-30 milionë euro) dhe t’ia ofrojnë portugezëve.

Sigurisht që një ide e tillë mund të tundojë jo pak Sportingun, i cili do të linte të largonte një futbollist që nuk duket më shumë i lumtur për të luajtur në Portugali, por në të njëjtën kohë do të arkëtonte një shifër jo të vogël si dhe do të përqafonte një futbollist që e njeh mirë dhe di sesi shënohet me breshëri në kampionatin luzitan. Andre Silva, pavarësisht përvojës aspak pozitive te Milani, ku erdhi me shumë bujë dy vite më parë nga Porto, për 38 milionë euro, ka lënë një kujtim shumë të mirë në Portugali.

Sportingu do ta mirëpriste krahëhapur sulmuesin kuqezi, jo vetëm për cilësitë që ai ka, por edhe për të ndezur edhe më shumë rivalitetin me “armiqtë” e Portos, skuadrës ku 23-vjeçari Silva shkëlqeu dhe ndezi interesin e disa prej klubeve më të mëdha të Europës. Nga ana tjetër, Paolo Maldini mund të shfrytëzojë imazhin e tij gjigant për të pasur edhe ndihmën e menaxherit Zhorzh Mendez, i cili mbulon interesat e të dy lojtarët në fjalë.

Me mjeshtërinë që e karakterizon, agjenti i famshëm mund të shtyjë drejtuesit e Sportingut që të pranojnë ofertën e Milanit, por për të veshur kuqezi Bruno Fernandesin, “Djalli” duhet fillimisht që të shesë Suson dhe më pas do të ketë të gjithë kohën për të arritur te një akord me mesfushorin dhe klubin iberikas.

/portali DurresLajm/

Na bëni like në facebook!: 

Lajme nga e njëjta kategori

Kosova dhe Anglia zhvilluan mbrëmjen e djeshme ndeshjen e fundit kualifikuese, aty ku anglezët arritën të fitonin me rezultatin 0-4.

Shqipëria nuk arriti ta mbyllte fushatën kualifikuese për në Europian me një rezultat pozitiv, duke u mundur me shifrat 0-2 nga Franca.

Në takimin Juventus-Milan, më shumë sesa fitorja që u mundësoi bardhezinjve kthimin në majën e renditjes, u komentua zëvendësimi i Kristi

Mediat franceze kanë shkruar se mbrëmjen e djeshme është vërshëllye himni i Francës në shenjë proteste për shkak të incidentit që ndodhi

Benjamin Mendi, futbollisti i Francës, pas ndeshjes me Shqipërinë foli për përballjen e fituar, atmosferën në stadium dhe për ata që u ha

Megjithëse jo në mënyrë fort të dukshme, prej disa javësh Ivan Rakitiç manifeston dëshirën e tij për të pasur më shumë minutazh dhe konsi

Skuadra e Teutës, po vijon punën me intensitet të lartë nën urdhrat e trajnerit Bledi Shkëmbi, duke menduar për ndeshjen e radhës të kamp

Një trajner është gjithmonë në diskutim pas humbjeve, por me sa duket edhe pas fitoreve, sidomos kur ata janë shumë të thella.

Presidenti i UEFA-s, Aleksander Ceferin ka dalë në një konferencë zyrtare, ku foli rreth impiantit "Air Albania Stadium" dhe përparimit t