Messit mund t'i ndalohet udhëtimi në Angli, edhe nëse i bie shorti në Champions me klube angleze

08/10/2019 - 17:07

Lionel Messi mund të mos e ketë kurrë mundësinë për t’i shlyer kujtimet e hidhura të përballjes me Liverpoolin në sezonin e kaluar të Ligës së Kampionëve, pasi që atij mund t’i ndalohet udhëtimi në Britani të Madhe pas Brexit-it.

Ylli argjentinas ka qenë i akuzuar për evazion fiskal dhe është dënuar me 21 muaj burgim të suspenduar nga gjykata spanjolle, pasi arriti marrëveshje jashtë gjykatës me ta.

Pesë-herë fituesi i Topit të Artë është për momentin qytetar i Bashkimit Evropian, pasi që ai posedon nënshtetësi të dyfishtë, spanjolle dhe argjentinase, duke e pasur kështu mundësinë për të udhëtuar në Britani të Madhe për krimin e tij jo të dhunshëm.

Por, avokati i emigracionit, Andrew Osbourne, ka paralajmëruar se futbollistët mund të përballen me probleme në udhëtime nëse Britania e Madhe largohet nga Bashkimi Evropian. Njëri ndër lojtarët që mund të ketë probleme është edhe 32-vjeçari Messi.

“Është një pikë specifike për ndeshjen evropiane. Nëse je qytetar i BE-së dhe ke kryer një krim, ti mund të udhëtosh në Britani të Madhe, për aq kohë sa nuk vlerësohet se je rrezik për të tjerët”, ka thënë Osbourne për The Athletic.

“Nëse nuk je qytetar i Bashkimit Evropian dhe je i dënuar për ndonjë krim – edhe nëse është me burgim të suspenduar – ty mund të të ndalohet ardhja në Britani të Madhe”.

“Ka një numër të futbollistëve shumë të famshëm që janë dënuar për evazion fiskal. Deri më tani, ata s’kanë pasur probleme sepse kanë pasur pasaportë të BE-së. Por, pas Brexit-it (daljes së Britanisë nga Bashkimi Evropian), ata mund të mos kenë mundësi të hynë në vend”.

“Kushdo që ka ndonjë dënim me burg të çfarëdo lloji, pika fillestare është se nuk do të lejohet të hyjë në vend. Kjo mund të shkaktojë probleme për skuadrat e Ligës së Kampionëve. Klubet dhe UEFA duhet të ndërmarrin diçka”.

Barcelona nuk u përball me asnjë klub në fazën e grupeve të këtij edicioni të Ligës së Kampionëve, mirëpo ata mund të mbeten pa kapitenin Messi nëse u bie shorti me ndonjë klub anglez në fazat e mëvonshme të kësaj gare.

/portali DurresLajm/

Na bëni like në facebook!: 

Lajme nga e njëjta kategori

Erjon Beu është nga ata durrsakë që kur dëgjon për arritjet dhe sukseset e tyre jashtë vendit, bën të ndjehet krenar çdo bashkatdhetar.

Dalja e Britanisë së Madhe nga Bashkimi Europian po afron dhe pasojat e saj do t’i ndjejë edhe futbolli.

Gabriel Barbosa prej janarit të këtij viti, luani huazuar nga Interi te klubi brazilian i Flamengos.

Marash Kumbulla është një nga realitetet më të bukura të Serisë A dhe sigurisht që duke parë shpërthimin e talentit shqiptar, edhe klubi

Shqipëri-Francë do të jetë ndeshja e parë zyrtare dhe inauguruese në stadiumin më të ri në vendin tonë, në “Arenën Kombëtare” të kryeqyte

Sherif Kallaku vazhdon të tregohet gjithnjë e më shumë vendimtar me fanellën e Teutës, duke shënuar gola të rëndësishëm për durrsakët.

Mesfushori i Teutës, Arbër Çyrbja, shkëlqeu në ndeshjen e djeshme, ndërsa i mungoi vetëm goli.

Mund të humbasësh, por fiton përgëzimet e presidentit, si në rastin e ekipit të Flamurtarit, që u duartrokit në fund të ndeshjes nga Sina

I kënaqur për pikët por edhe për lojën që zhvilloi skuadra e tij në pjesën e dytë.

Teuta bën detyrën, mposht 1-0 Flamurtarin e vendit të fundit në Elbasan Arena dhe ngjitet përkohësisht e vetme në krye të Kategorisë Supe