Në prag të rifillimit të kampionatit, nga Kolegjiumi i Arbitrave u dha këshillimi që gjyqtarët të jenë më të kujdesshëm. Mirëpo, në ndeshjen e zhvilluar në Laç, trajneri Juxhin Xhaja ka nxjerrë nëntë herë kartonin e verdhë nga xhepi, duke qenë strikt në vlerësimin e rasteve.
Raporti i ndëshkimeve është pesë me katër për Laçin, që do të humbasë tre futbollistë për takimin me Vllazninë. Abdurrahman Fangaj, Julian Shehu dhe Regi Lushkja kanë plotësuar numrin e katër kartonëve të verdhë dhe nuk do të jenë ndaj shkodranëve në fundjavë.
Për Teutën, ndëshkimi me të verdhë në minutën e 14-të i mohon Albano Aleksit takimin kundër Bylisit në transfertë, pasi pezullohet me 4 kartonë.
