Në orën 20:45 luhet Moldavi-Shqipëri, fitorja për moral dhe Edy Rejan

14/10/2019 - 13:06

Shqipëria me disfatën 1-0 ndaj Turqisë humbi praktikisht mundësinë për të qenë e pranishme në Euro 2020. Edhe pse matematika i mban në lojë, është e qartë se djemtë kuqezi nuk do të mund të përsëritin suksesin e katër viteve më parë.

Sot, në orën 20:45, në Kishiniev të Moldavisë, skuadra e drejtuar nga Edy Reja do të luajë eliminatoren e radhës, në transfertën kundër skuadrës më të dobët të Grupit H, Moldavisë, që për efekt golaverazhi është parakaluar edhe nga Andorra (janë me pikë të barabarta, 3).

Është pak të thuash që kuqezinjtë synojnë fitoren, pasi suksesi në Moldavi mbetet detyrim pas asaj humbjeje në Turqi, ku vetëm një shpërqendrim i portierit Strakosha mjaftoi për të pësuar një zhgënjim të madh, pas asaj performancë, në total, për t’u vlerësuar.

Në konferencën për shtyp, para Moldavisë, trajneri Reja e shprehu hapur dëshirën për të rinovuar kontratën me FSHF-në dhe në njëfarë mënyrë kjo ndeshje është edhe si provë shtesë për të bindur presidentin Duka që t’i ofrojë 74-vjeçarit një kontratë të re.

Është një sfidë ku futbollistët kuqezi duhet të tregojnë që e ndjekin teknikun italian dhe se dëshirojnë edhe ata të bashkëpunojnë në vazhdim me të për një tjetër ëndërr të madhe: kualifikimin në Botëror.

Sa i përket formacionit që do të zbresë në fushë në stadiumin e Kishinievit, nuk pritet ndryshime të mëdha. Gjithsesi, Reja ka paralajmëruar 2-3 lëvizje në fazën sulmuese, çka e imponon edhe forca dhe mënyra e lojës së kundërshtarit.

Francë-Turqi, por në orën 20:45, është sfida e madhe e grupit të Shqipërisë, e cila mund të vendosë përfundimisht se cila nga këto dy skuadra do t’i përfundojë eliminatoret në vendin e parë. Të dy ekipet kanë grumbulluar nga 12 pikë me Turqinë që kryeson falë fitores 2-0 në sfidën direkte.

Kjo do të thotë se me një barazim të mundshëm “Gjelat” mund ta humbin mundësinë për vendin e parë, ndaj parashikohet një sfidë zjarri në “Saint Denis”, ku “Gjelat” do të kërkojnë me çdo kusht suksesin. Ndesha e tretë dhe e fundit e Grupit H luhet në Rejkjavik mes Islandës dhe Andorrës.

/portali DurresLajm/

Na bëni like në facebook!: 

Lajme nga e njëjta kategori

Liverpuli i sezonit 2019-2020 është një makineri pikësh, golash dhe rekordesh.

Shuhet Harry Gregg, legjenda e Manchester United.

Barcelona ka një qëllim të qartë në merkaton e verës, të transferojë yllin e Interit, Lautaro Martinez.

Manchester Cityt i është hequr e drejta për të garuar në kompeticionet europiane në dy sezonet e ardhshme nga ana e UEFA-s, ndërsa tani r

Skena që fatkeqësisht vazhdojnë në stadiume edhe në vitin 2020.

Lorenco Vila, po kthehet në një nga lojtarët kyç të sulmit të Teutës, pasi po tregon një formë mjaft të mirë, por edhe po realizon gola t

Ted Laço ia bëri të thjeshtë, e megjithatë ajo gjuajtje perfekte e Blagoja Todorovskit nuk duhet anashkaluar.

Teuta triumfoi me rezultatin 3-1, ndaj Vllaznisë, në ndeshjen e vlefshme për javën e 22-të të Kategorisë Superiore.

Teuta ia ka dalë të marrë tre pikët në sfidën shtëpiake ndaj Vllaznisë.

Atleti shqiptar Franko Burraj ishte pranë një arritjeje impresionuese në kampionatin ballkanik të sallave të mbyllura, por fati nuk ishte