Një vit pa fitore ndaj Flamurtarit, Teutën e pret edhe… kalendari “zjarr”

17/10/2019 - 10:17

Të premten Teuta do kërkojë të thyejë “tersin” dhe të dalë me tri pikë nga përballja tejet e rëndësishme me Flamurtarin. Durrsakët dhe vlonjatët janë përballur sezonin e kaluar katër herë me njëri-tjetrin.

Tri ndeshje janë mbyllur në barazim, dy herë 1-1 dhe një herë 0-0, ndërsa përballjen e fundit në Vlorë e ka fituar 3-1 Flamurtari dhe durrsakët duhet të marrin me domosdo pikë të plota. Për t’u shënuar se durrsakët nuk fitojnë me Flamurtarin prej 19 shkurtit 2017.

Ndaj Flamurtarit do të nevojitet fitore dhe paraqitje dinjitoze për të fituar sadopak moral. Më pas, kalendari për “djemtë e detit” rezervon vetëm ndeshje me koeficient të lartë vështirësie. Më 23 tetor, Teuta do t’i bëjë vizitë Laçit, ndërsa në mesjavë do të përballet me Bylisin në “Adush Muca”.

Duke lënë mënjanë faktin se me të “voglat” Teuta nuk ka vuajtur asnjëherë në vitet e fundit, por edhe me të mëdhatë ka treguar që di të fitojë, në nëntor do të presë Tiranën dhe më pas do të vizitojë Luftëtarin. Nëse vështirësitë nuk mjaftojnë, kalendari rezervon Vllazninë më 23 nëntor në “Loro Boriçi”.

FUSHA – Në Durrës kanë nisur punimet dhe më konkretisht mbjellja e barit në fushë.

Tapeti i barit kishte kohë që kishte dalë thuajse jashtë funksionit dhe ishte bërë e papërshtatshme për të luajtur futboll normal apo për të qarkulluar topin. Ndaj edhe drejtuesit e klubit durrsak kanë menduar, duke përfituar edhe nga kalendari që të bëjnë ndërhyrje në tapetin e stadiumit. Skuadra durrsake, pasi luajti me Partizanin në transfertë, këtë fundjavë shkon në Elbasan dhe më pas do të përballet me Laçin dhe Bylisin. Me shumë gjasa, vetëm në sfidën me Tiranën Teuta mund të rikthehet dhe të luajë në “Niko Dovana”.

/portali DurresLajm/

Na bëni like në facebook!: 

Lajme nga e njëjta kategori

Kapiteni i Teutës, Renato Arapi, deklaroi se fitorja ishte një detyrim për ekipin e tij ndaj qytetit të Durrësit, pas asaj që kaloi qytet

Juventus pësoi humbjen e parë sezonale mbrëmjen e të shtunës ndaj Lazios, me rezultatin 3-1 me përmbysje, gjë që i ka lënë një shije të h

Ka ndërruar jetë në moshën 77-vjeçare një nga mësueset më të nderuara të Durrësit dhe ish-kampionja kombëtare e ping pong-ut, Ver

U  ktheu sadopak buzëqeshjen tifozëve durrsakë, të cilët kanë përjetuar ditë shumë të vështirë për shkak të termetit shkatërrues të 26 në

Trajneri i Teutës, Bledi Shkëmbi, sqaroi pse festoi në një mënyrë që nuk e ka bërë kurrë më parë, por edhe për tema të ndryshme.

Mesfushori i Manchester Unitedit, Fred, ka thënë se incidentet raciste, si abuzimet që u drejtuan te ai nga disa tifozë të Manchester Cit

Juventusi pësoi dje në mbrëmje disfatën e parë sezonale, teksa u mposht në “Olimpico” të Romës me rezultatin 3-1 nga Lacio.

Ndeshja Teuta-Skënderbeu është ngjarja e parë që përpiqet të rikthejë në shinat e së përditshmes një qytet të rrënuar nga dhimbja pas tër

Gjatë mërkatos së janarit Interi do të përforcohet me disa lojtarë, të cilët do i vijnë në ndihmë Kontes për vazhdimin e sezonit shumë im