Nuk përmbahet Ardian Takaj, akuza të forta për ish-sekretarin e FSHF-së

20/07/2019 - 19:44

Vendimi i konfirmuar edhe nga CAS për të pezulluar me 10 vite dhe 1 milionë euro gjobë Skënderbeun ka krijuar një situatë të pakëndshme te korçarët. Situata e vështirë është konfirmuar edhe nga presidenti i klubit, Ardian Takaj, që doli sot në një konferencë të jashtëzakonshme për shtyp, ku foli për gjendjen morale te klubi korçar.  

Numri 1 i klubit drejtoi gishtin nga ish-Sekretari i FSHF-së Eduart Dervishi, i cili aktualisht punon në Federatën Spanjolle të Futbollit. Në fjalën e tij, Takaj shtoi se ky i fundit, në bashkëpunim me spanjollin Emilio Garcia, që është Shef i Integritetit dhe Disiplinës në UEFA kanë bashkëpunuar për të dënuar Skënderbeun.

“Ne jemi njoftuar për dënimin në dhjetor të 2017-ës, në zyrat e FSHF-së, ndërsa UEFA e publikoi vetëm në mars të vitit të ardhshëm. Nisëm negociatat me UEFA-n dhe spanjolli Garcia më propozoi në një takim, një pezullim 5-vjeçar dhe 250 mijë euro gjobë. Këtë ide e kisha dëgjuar më herët të qarkullonte në kafenetë sportive të Tiranës dhe pyeta Garcian për këtë, por ai mu përgjigj shkurt: Ke të fala nga Eduart Dervishi. Unë jam i bindur se për dënimin e Skënderbeut kanë punuar vetëm dy persona dhe çelësat e asaj zyre ku është gatuar çështja, i ka Eduart Dervishi”.

“Në Apelin e UEFA-s, kryetar ishte një spanjoll, por pas ankimimit tonë, e kaluan anëtar. Edhe në CAS, njëri prej 3 gjyqtarëve ishte spanjoll dhe ne nuk kishim shumë besim, por mënyra se si rrodhën ngjarjet na bëri shumë optimist. Ishin vetë gjyqtarët e CAS-it, që gjatë procesit, rrëzuan të gjitha pretendimet e UEFA-s dhe dëshmitë, gjë që na bëri të ishim optimist për fitoren e çështjes, por ndodhi e kundërta. Dyshoj se beteja e Skënderbeut nuk është me UEFA-n, por me një zyrë në Federatën Spanjolle. Dosja jonë është plotësuar në aksin “Tiranë-Madrid-Nion”, pasi ka pasur edhe këtu miq të Dervishit, të cilët kanë plotësuar dosjen me opinionet e tyre”.

“Kur shkoi email-i, ne po negocionim me UEFA-n për minimizim të dënimit, por pas atij mesazhi kërcënues, marrëdhënia jonë me ta u ndërpre komplet. Nisëm të kërkojmë për burimin e email-it në rrugë ligjore dhe bëmë denoncim në prokurorinë e Korçës, ndërsa pas disa ditësh, çështja kaloi në Tiranë, ku në mënyrë të çuditshme, u la në harresë. Burimet tona na kanë konfirmuar se email-i është nisur nga Tirana, jo nga Korça. Klubi i Skënderbeut përfaqëson një qytet me nivel të lartë kulture e traditash dhe zyrtarët e këtij ekipi nuk kanë kërcënuar askënd, madje ju vetë jeni dëshmitarë që jemi sjellë në mënyrë tejet korrekte”.

“Që në fillim të çështjes, studioja ligjore që na përfaqëson, theksoi se do të gjejmë drejtësi vetëm në Gjykatën Federale të Zvicrës dhe natyrisht që do ta bëjmë ankimimin tonë edhe atje. Me këtë çështje po merret tani zyra ligjore që na përfaqëson, pasi gjetja e drejtësisë është shndërruar në një mision për ne. Sa i përket të ardhmes së klubit, besoj se do të vazhdojmë të mbajmë një skuadër konkurruese, pasi Korça e meriton të ketë futboll dhe një ekip të denjë që ta përfaqësojë”, deklaroi Ardian Takaj.

/portali DurresLajm/

Na bëni like në facebook!: 

Lajme nga e njëjta kategori

Carlo Ancelotti në sytë e lojtarëve por dhe vetë pasuesit të tij, Rino Gattuso, shihet si një baba, një trajner i qetë, i cili krijon mar

Kristiano Ronaldo bëhet shpesh herë protagonist si në fushën e futbollit ashtu edhe jashtë saj.

Kontrata e Sebastian Vettel me Ferrarin është e vlefshme edhe për një vit, pra skadon në fund të vitit 2020, por gjermani nuk e ka të qar

Teuta ka arritur të fitoi derbin ndaj Goga Basket.

Gjykata Civile e Milanos ka dënuar firmën e njohur të veshjeve Dolce & Gabbana srl që t’i paguajë Diego Armando Maradonës 70 000 euro

Kukësi-Teuta është gjithmonë një ndeshje me emocione dhe rezultate të paparashikueshme, qoftë kur është luajtur në Durrës, e gjithashtu n

Protagonist i padiskutueshëm për kthesën e Teutës ishte një 20- vjeçar.

Teuta provoi edhe një herë entuziazmin e një takimi të fituar, një ndjenjë e cila i mungonte nga data 18 tetor dhe e bëri në një çast shu

Sot po luhen ndeshjet e fundit të Uefa Youth League (Championsi i të rinjve) sa i përket fazës së grupeve.

Çdo e keqe e ka një të mirë edhe për Carlo Ancelottin i cili vetëm pak orë pas shkarkimit nga stoli i Napolit mund ta shohë veten në pank