Padia e Levantes, Barcelona rrezikon përjashtimin nga Kupa e Mbretit

18/01/2019 - 15:09

Barcelona mund të eliminohet në tavolinë nga Kupa e Mbretit për këtë edicion, edhe pse rezultatet në fushën e blertë e kanë kualifikuar në çerekfinale, kundërshtarja e “blaugranave” në fazën e 1/8-ave, Levante, i ka paraqitur gjyqtarit të vetëm të Komitetit të Konkurrencës ankesën për të ndëshkuar Barcelonën, duke pretenduar se skuadra katalane ka aktivizuar një lojtar të skualifikuar në ndeshjen e luajtur javën e kaluar.

Juan Bandariz, i njohur nga të gjithë si Chumi, është aktivizuar nga trajneri Valverde, pavarësisht se ishte skualifikuar me ekipin e dytë të Barçës, pas kartonit të pestë të verdhë të marrë 6 janarin e kaluar, në ndeshjen e luajtur kundër Castellon.

Drejtuesit e Levantes këmbëngulin se Barcelona dështoi në përmbushjen e pikave të Kodit Disiplinor të RFEF, konkretisht duke shkelur nenin 56.3 të tij. Barcelona ka shpjeguar se ky rregull është ndryshuar dhe thotë se dënimet e lehta shlyhen në kompeticionin ku janë marrë, ndërsa ndëshkimet e rënda shtrihen në disa kompeticione.

Sidoqoftë, si Levante ashtu dhe Barcelona, në rast se vendimi i gjyqtarit i dëmton interesat e tyre, pritet ta dërgojnë çështjen në CAS. Është një situatë e ngjashme me atë të Denis Cheryshev, i cili është aktivizuar kur ishte i skualifikuar dhe Real Madridi u përjashtua nga Kupa e Mbretit. Megjithatë, Barcelona ka përgënjeshtruar gjithçka, duke u bazuar te një ndryshim i rregullores, të bërë në nëntor.

/portali DurresLajm/

Na bëni like në facebook!: 

Lajme nga e njëjta kategori

Merkatoja e prapavijës së Romës në këtë verë flet shqip.

Mesfushori i skuadrës së Teutës, Florent Avdyli, flet për sezonin e ri dhe beson se do të jetë i suksesshëm.Ai është i bindur se Teuta do

Sfida ndërmjet Sivassporit dhe Besiktasit në Superligën turke të futbollit dhuroi një ngjarje mjaft të rëndë.

Monaco është klubi më i ri që ka shprehur interesim të madh për sulmuesin e Interit Mauro Icardi, të cilit i ka ofruar pagë shumë të majm

Duhej të ishte festë pas fitores së Superkupës, por nuk ka qenë e tillë rruga për në kthim e disa tifozëve të Partizanit.

Amadu Latif e mbylli aventurën me Teutën, sezonin që lamë pas, dhe tashmë ka zgjedhur që të largohet nga Shqipëria, dhe të vijojë karrier

Olimpia-Motagua është një nga derbit më të zjarrtë në Honduras, dhe i tillë ishte edhe këtë herë.

Lukaku vazhdon të punojë shumë, për ta nisur sa më mirë sezonin në Serie A.Përmes një postimi në rrjetet sociale, Romelu Lukaku i ka dërg