Përplasja Kessie-Biglia, Gattuso: Humbëm dyfish në derbi

18/03/2019 - 17:17

Trajneri i Milanit, Gennaro Gattuso pas humbjes në derbi me Interi u shfaq mjaft i mërzitur dhe i irrituar nga përplasja mes Franck Kessie dhe Lucas Biglia në stoli, madje edhe më shumë se disfata 3-2 në “San Siro” kundër zikaltërve. Për të shuar “sherrin” mes 22-vjeçarit nga Bregu i Fildishtë, Kessie, dhe argjentinasit 33-vjeçar, Biglia, u desh ndërhyrja e shokëve të skuadrës.

Kessie, i cili u zëvendësua në pjesën e dytë, u irritua për diçka që tha Biglia nga pankina e në përpjekjen e tij për t’iu kundërpërgjigjur argjentinasit u ndal nga shokët e skuadrës.

“Më shumë se humbja më lëndon ajo që ndodhi në stol. Nuk mund ta pranoj atë që ndodhi, të paktën për mënyrën sesi e shoh unë futbollin, grupin dhe etikën në skuadër. Këtu duhet shfaqur respekt për cilindo, ndaj ajo që ndodhi ishte e papranueshme.  Për mua është një humbje e dyfishtë, për të cilën do të them edhe unë fjalën time në ditët në vijim”.

Të dy lojtarët kërkuan falje më vonë për mediet italiane, por veprimi i tij nuk e zhbën imazhin që keq që përcollën me gjestin e tyre.

“Ishte çështje adrenaline dhe situata momentale e ndeshjes. U mërzita për zëvendësimin, sepse doja të jepja ende për skuadrën. U kapa me Lucasin dhe ishte gabim, ndaj kërkova falje më pas,” – u shpreh Kessie, ndërsa Biglia deklaroi: “U ndiem realisht keq për atë skenë shqetësuese”.

Megjithatë, tensionet nuk munguan as në fushën e blertë. Mbrojtësi Andrea Conti, që zëvendësoi Kessie-n në minutën e 69-të, u ndëshkua fillimisht me karton të kuq për një ndërhyrje ndaj Lautaro Martinezit, por sistemi VAR detyroi arbitrin të ndryshonte mendim dhe ta ndëshkonte vetëm me karton të verdhë.

Edhe trajneri i Interit, Luciano Spalletti e përfundoi para kohe takimin, i ndëshkuar me të kuq në minutat shtesë për mospajtim me vendimet arbitrare.

/portali DurresLajm/

Na bëni like në facebook!: 

Lajme nga e njëjta kategori

Argjentina pësoi një humbje shokuese në ndeshjen e parë të Kupës së Amerikës, teksa u mposht nga Kolumbia me rezultatin 2-0.

E ardhmja e Gareth Bale mbetet një çështje për t’u zgjidhur te Reali i Madridit.

Klubi durrsak, pas zyrtarizimit të Aleksit, që vjen nga Luftëtari, ka njoftuar edhe firmën me sulmuesin shkodran, Arlind Kalaja

Goditja e madhe e Teutës në merkaton e verës pritet të jetë një sulmues, i cili do të bëjë diferencën nga pjesa tjetër e grupit

Teuta vijon me intensitet përgatitjet verore e njëkohësisht drejtuesit e klubit po përpiqen të afrojnë lojtarët e duhur për të

Milani ka nisur kontaktet e para me përfaqësuesit e mbrojtësit kroat Dejan Lovren, i cili ka mbetur në stol te Liverpooli dhe po kërkon t

Tani nuk ka më asnjë dyshim, Maurizio Sarri do të jetë trajneri i ri i Juventusit.

Grupi Suning, që ka në pronësi Interin, ka vendosur 120 milionë euro në dispozicion të merkatos së skuadrës zikaltër, për të tentuar të p