Presidenti i Federatës angleze: Duka një kandidat i madh, ka bërë mirë në futbollin shqiptar!

11/01/2019 - 16:42

Presidenti i Federatës Shqiptare të Futbollit Armando Duka mer një tjetër mbështetje të fuqishme në garën e tij për një vend në komitetin ekzekutiv të UEFA-s. Numri një i Federatës Angleze të Futbollit Greg Clarke ka shprehur haptazi përkrahjen ndaj zotit Duka, në vizitën e tij të shkurtër në kryeqytet.

Pasi u njoh me investimet e bëra duke vizituar punimet në zyrat e reja të Federatës Shqiptare të Futbollit dhe në stadiumin arena e kombëtares, timonieri i federatës së vendit që shpiku futbollin doli haptazi në mbështetje të Armando Dukës për një vend në qeverinë e UEFA-s.

"Dua të mbështes presidentin tuaj sepse ka bërë një punë të mirë për futbollin shqiptar. Gjatë viteve të tij në krye të federatës ka investuar shumë në infrastrukturë. Kam ardhur këtu për ta takuar, folur dhe mësuar prej tij. Ne në Angli vetëm mësojmë dhe e mira e futbollit anglez është përulësia, kudo që shkoj vetëm mësoj. Presidenti juaj ka shumë ekpseriencë dhe vetëm kam mësuar prej tij. Ne e mbështesim atë në garën për në komitetin ekzekutiv të UEFA-s, ka një reputacion të mirë në futboll, ka bërë shumë punë dhe është i respektuar në Europë. Është një kandidat i madh,"tha Clarke.

"Për herë të parë një president i federatës angleze të futbollit viziton Shqipërinë jo në një ndeshje futbolli por për të parë realitetin shqiptar. Kjo na shërben duke shkëmbyer idetë personale. Jam i kënaqur dhe duhet të jemi të repsektuar që kemi mbështetjen e vendit ku lindi futbolli," tha Duka.

Më 7 shkurt të këtij viti do të zhvillohen zgjedhjet për komitetin ekzekutiv të UEFA-s, dhe ky është kandidimi i dytë i presidentit të Federatës Shqiptare të Futbollit.

Në prillin e 2017-ës numri një i qeverisë sonë të futbollit mori 25 vota, teksa shpresat janë të mëdha që kësaj radhe të mposhtë konkurencën e madhe për të siguruar vendin në institucionet që drejtojnë futbollin në kontinent.

/portali DurresLajm/

Na bëni like në facebook!: 

Lajme nga e njëjta kategori

Tjetër kapitull në ndeshjet e trukuara në kampionatin spanjoll.

Një lajm i bujshëm është duke qarkulluar në këtë periudhë të nxehtë merkatoje.

Një incident i rëndë u regjistrua në ndeshjen e djeshme mes Serbisë U-21 dhe Austrisë U-21 të vlefshme për Kampionatin Europian të 21-vje

Iu bashkua Teutës në muajin janari, si një nga afrimet më të bujshme, por eksperienca e Armando Vajushit me bregdetarët zgjati vetëm pak

Pasi përfundoi periudhën e huazimit te Lugano, Armando Sadiku nga grumbullimi i kombëtares shqiptare bëri me dije se pas pushimeve do të

Ende pa e bërë prezantimin e tij, media italiane jep detaje se Mauricio Sarri ka pranuar Juventusin, por ndërkohë ka bërë vetëm dy kërkes

Kleis Bozhanaj është talenti shqiptar që kanë përfunduar në listën e dëshirave nga skuadrat më të mëdha europiane.

Mohamed Salah ka refuzuar shansin për t’iu bashkuar Realit të Madridit dhe Juventusit këtë verë, por ai do të marrë në konsideratë të ard

Bledi Shkëmbi është i lumtur që pas një sezoni të suksesshëm në krye të Teutës u shpërblye nga drejtuesit me rinovim të kontratës.Trajner