Princi i kurorës saudite tenton sërish blerjen e Manchester United

21/10/2019 - 12:22

Manchester United po përgatitet për të pritur një tjetër ofertë blerjeje nga Familja Mbretërore Saudite, një ofertë kjo që ka një vlerë mbi 3 miliardë paund.

Lajmi publikohet nga tabloidi britanik The Sun sipas të cilit Princi i Kurorës Mohammad Bin Salman nuk është dorëzuar aspak në tentativën e tij për të blerë klubin anglez edhe pse 2 ofertat e mëparshme të tij u refuzuan nga familja Glazer që është në pronësi të Djajve të Kuq.

Por  tani duket se shanset e Bin Salman për arritjen e objektivit të tij duket se janë rritur disi. Javën e kaluar u mësua se një prej bashkëpronarëve, Kevin Glazer është gati të shesë aksionet e tij prej 13% të aksioneve të Manchester United që kapin vlerën e 270 milionë Paundëve. Ai arriti të konvertojë aksionet B në ato të tipit A që do të thotë  se janë gati të shiten në bursën e New York-ut.

Tani Princi i Kurorës, Bin Salman është gati të hidhet sërish në sulm për blerjen e Manchester United, por do të duhet që të bindë 5 anëtarët e tjerë të familjes Glazer për të shitur te ai kuotën e tyre të aksioneve. Amerikanët e morën pronësinë e Manchester United 14 vite më parë duke paguar për të 790 milionë paund, por gjatë kësaj kohe klubi anglez ka akumuluar një borxh shumë të lartë.

Princi i Kurorës Mohammad Bin Salman raportohet se ka një pasuri personale prej 7 miliardë Paund. Mësohet se në vitin 2015 ai derdhi 300 milionë Dollarë për blerjen e Chateau Louis XIV një pallat me një sipërfaqe mbi 5000 m² pranë Versailles.

/portali DurresLajm/

Na bëni like në facebook!: 

Lajme nga e njëjta kategori

Serie A do të rinisë më 20 qershor dhe tashmë është bërë zyrtare.

Arthur Melo i ngrin buzëqeshjen Juventusit, Barcelonës por dhe vetë Pjanic.

Nga e thënë në të bërë, Inter dhe Icardi me në fund pas një luftë të ashpër janë në prag divorci përfundimtar.

Klubi i Barcelonës është një ndër ata që është goditur më rëndë nga kriza e koronavirusit.

Dejan Kulusevski firmosi me Juventusin në merkaton e janarit, teksa do të luajë me bardhezinjtë duke filluar nga sezoni i ardhshëm, pasi

Teuta e ka fituar me rezultatin 4-0 miqësoren e zhvilluar në Durrës kundër Erzenit.

Serbia bën një hap përpara drejtë rikthimit në normalitet!

Mbrojtësi anglez, Kristian Mbulu ka ndërruar jetë ditën e djeshme, në një moshë shumë të re.

Tre shitje për të arkëtuar plot 160 milionë euro dhe për të rimodeluar sulmin.