Rrëfimi i Wijnaldum: Si na hoqi presionin Klopp me mbathjet e Ronaldos

14/08/2019 - 16:40

Që Jurgen Klopp është një trajner i madh, këtë e tregon karriera e tij, sidomos suksesi i arritur në finalen e Championsit përballë Tottenhamit, trofe të cilit i ishte afruar një sezon më herët, por falë gabimeve të portierit Karius, Liverpooli i tij u dërrmua 3-1 nga Real Madridi.

Sigurisht që përballë ekipit me më shumë trofe në kompeticionin më të rëndësishëm presioni është shumë i madh, por Klopp edhe para asaj sfide e ka bërë si duhet punën e tij, duke hequr presionin me një gjest vërtet qesharak, zbulon mesfushori holandez, Georginio Wijnaldum, për Goal.com.

Duke qenë i vetëdijshëm për presionin e madh që kishin lojtarët e tij para finales së Kievit, trajneri gjerman shkoi në një takim me futbollistët pasi kishte veshur bokserat e markës së Cristiano Ronaldos (në atë finale luante për Realin).

“Ne pamë se ai kishte veshur mbathje të shkurtra (boksera) të Cristiano Ronaldos. Këmishën e kishte futur pikërisht në mbathjet që kishin logon CR7. Të gjithë futbollistët në dhomën e zhveshjes u shtrinë në dysheme duke qeshur. Ky episod me të vërtetë theu akullin. Zakonisht në ato situata, të gjithë janë seriozë dhe të përqendruar. Por ai ishte i qetë dhe e bëri këtë shaka. Klopp ka bërë me qindra shaka të tilla. Nëse shihni se menaxheri juaj është me të vërtetë i sigurt dhe i qetë, do të ketë efekt tek lojtarët. Ai bën figurën e babait me ato gjëra për lojtarët. Me shakatë dhe gjuhën e tij të trupit, ai u heq presionin e lojtarëve”.

Pavarësisht se e humbën atë finale, lojtarët e Liverpoolit bënë mrekullinë një vit më pas, duke mposhtur Tottenham në finale. Wijnaldum duke folur për marrëdhënien e veçantë që ka ish-trajneri i Dortmundit me lojtarët e tij, shtoi:

“Kur kam probleme, mund të shkoj gjithmonë tek trajneri. Mund ta pyes nëse ai ka një minutë kohë për mua. Ai është gjithmonë kurioz dje pyet nëse është diçka e keqe apo e mirë. Klopp gjithmonë përpiqet të bashkëjetojë me personin tjetër, ta ndiejë atë që ai po kalon. Ai është një njeri me të vërtetë i veçantë. Më shumë sesa trajner, e konsideroj një mik të mirë.Të gjithë më pyesin se si është si person. A është e rreme ajo që bën në stol? Jo, kështu është ai. Edhe në stërvitje ai është i njëjti.”

/portali DurresLajm/

Na bëni like në facebook!: 

Lajme nga e njëjta kategori

Java e 15 e kampionatit italian soli humbjen e parë të sezonit për Juventusin, por mbi të gjitha konfirmoi krizën në klubin e Napolit dhe

Matia De Shiljo dhe Juventusi duket se janë pranë “divorcit” mes tyre. 

Rusia ka marrë një goditje të madhe, pasi është përjashtuar për katër vite nga të gjitha aktivitetet e mëdha sportive, nga Agjensia Botër

Teuta ia doli në ditën e djeshme të fitonte një përballje aspak të lehtë ndaj Skënderbeut, jo vetëm ër forcën e kundërshtarit në fushë, p

Kapiteni i Teutës, Renato Arapi, deklaroi se fitorja ishte një detyrim për ekipin e tij ndaj qytetit të Durrësit, pas asaj që kaloi qytet

Juventus pësoi humbjen e parë sezonale mbrëmjen e të shtunës ndaj Lazios, me rezultatin 3-1 me përmbysje, gjë që i ka lënë një shije të h

Ka ndërruar jetë në moshën 77-vjeçare një nga mësueset më të nderuara të Durrësit dhe ish-kampionja kombëtare e ping pong-ut, Ver

U  ktheu sadopak buzëqeshjen tifozëve durrsakë, të cilët kanë përjetuar ditë shumë të vështirë për shkak të termetit shkatërrues të 26 në