Teuta duhet të thyejë tersin e transfertave

08/11/2019 - 11:37

Pesë ndeshje të luajtura deri më tani në transfertë dhe asnjë fitore. Teuta ka një problem jo të vogël në ndeshjet jashtë fushe. Ka pësuar dy humbje ndaj Skënderbeut dhe Laçit, ndërsa ka marrë edhe tri barazime. Me vetëm tri pikë në transfertë, më keq se durrsakët kanë bërë vetëm Luftëtari dhe Flamurtari që mbyllin klasifikimin.

Kalendari u rezervon durrsakëve dy ndeshje radhazi jashtë fushe, fillimisht të shtunën në Gjirokastër dhe pas dy javësh ndaj Vllaznisë në Shkodër. Në kushtet kur problem mbetet edhe shënimi i golit (vetëm 8 të shënuar në 11 javë), sfida me Luftëtarin mund të jetë idealja për thyerjen e tersit. Pra, Teuta të marrë fitoren e parë në transfertë dhe sulmuesit Nikaç dhe Khalid të zhbllokohen. Ky i fundit nuk ka shënuar asnjë gol me fanellën e durrsakëve, ndërsa malazezi të vetmen rrjetë që ka gjetur këtë kampionat është pikërisht në fazën e parë ndaj Luftëtarit.

Teuta vijon përgatitjet për transfertën e së shtunës me Luftëtarin. Përpos rezultateve të fundit, atmosfera te “djemtë e detit” është optimiste për ndeshjen e radhës. Seanca e djeshme, e zhvilluar në kompleksin “Olympic Park”, kishte të bënte më së shumti me korrigjimin e dobësive të treguara në ndeshjet e fundit. Me ndarjen e lojtarëve në grupe dhe formacione të përziera, Shkëmbi u kërkoi të tijve përqendrim në zbatimin e detyrave tekniko-taktike.

Në Gjirokastër synohet fitorja dhe aq më tepër që luajnë ndaj një ekipi, i cili vjen pas tri humbjeve radhazi. Gjithsesi, në Durrës janë duke e vlerësuar maksimalisht kundërshtarin e radhës, për më tepër që në dy ndeshjet e sezonit të kaluar në Gjirokastër, janë mundur nga Luftëtari.

Grupi i lojtarëve për këtë sfidë do të jetë i plotë për trajnerin Shkëmbi. Mbrojtësi Bllagoja Todorovski do të jetë gati pas shlyerjes së pezullimit për kartonë. Rivaliteti për një fanellë titullari është i pranishëm në çdo pozicion. Në ndeshjen ndaj Tiranës, në krahun e djathtë të mbrojtjes luajti Fabian Beqja, ndërsa me rikthimin e Todorovskit, mbetet për t’u parë nëse Shkëmbi do të vazhdojë të besojë te durrsaku apo te maqedonasi.

/portali DurresLajm/

Na bëni like në facebook!: 

Lajme nga e njëjta kategori

Kosova dhe Anglia zhvilluan mbrëmjen e djeshme ndeshjen e fundit kualifikuese, aty ku anglezët arritën të fitonin me rezultatin 0-4.

Shqipëria nuk arriti ta mbyllte fushatën kualifikuese për në Europian me një rezultat pozitiv, duke u mundur me shifrat 0-2 nga Franca.

Në takimin Juventus-Milan, më shumë sesa fitorja që u mundësoi bardhezinjve kthimin në majën e renditjes, u komentua zëvendësimi i Kristi

Mediat franceze kanë shkruar se mbrëmjen e djeshme është vërshëllye himni i Francës në shenjë proteste për shkak të incidentit që ndodhi

Benjamin Mendi, futbollisti i Francës, pas ndeshjes me Shqipërinë foli për përballjen e fituar, atmosferën në stadium dhe për ata që u ha

Megjithëse jo në mënyrë fort të dukshme, prej disa javësh Ivan Rakitiç manifeston dëshirën e tij për të pasur më shumë minutazh dhe konsi

Skuadra e Teutës, po vijon punën me intensitet të lartë nën urdhrat e trajnerit Bledi Shkëmbi, duke menduar për ndeshjen e radhës të kamp

Një trajner është gjithmonë në diskutim pas humbjeve, por me sa duket edhe pas fitoreve, sidomos kur ata janë shumë të thella.

Presidenti i UEFA-s, Aleksander Ceferin ka dalë në një konferencë zyrtare, ku foli rreth impiantit "Air Albania Stadium" dhe përparimit t