Teuta përgatitet për ndeshjen e së dielës që luan në fushën e vet ndaj skuadrës së Skënderbeut të Korçës. Durrsakët këtë sezon kanë synime madhore, madje kërkojnë diçka më shumë se Europa, që do të thotë se ekipi në verë është ndërtuar edhe për të fituar trofe.
Projekti me Blendi Shkëmbin në krye vazhdon, ndërsa Teuta tashmë është e përqendruar te takimit me Skënderbeut, ku synimi është marrja e 3 pikëve.
Në fakt, durrsakët kanë mungesa. Khalid e Kallaku, i pari me dëmtim që mund të jetë më i rëndë nga sa mendohej dhe i dyti me kartonë të plotësuar.
Por, për lojë janë Rustem Hoxha në qendër të mbrojtjes si dhe Arbër Çyrbja në mesfushë, dy lojtarë me eksperiencë që janë aktivizuar edhe si titullarë në Durrës, në këtë pjesë të parë të këtij sezoni.
