Teuta përgatit kthesën, do triumf në Kupë dhe kampionat. Dy mungesa për Shkëmbin

17/09/2019 - 10:26

Futbollistët e Teutës janë rikthyer dje në stërvitje, për të filluar përgatitjet për ndeshjen e kupës ndaj Tërbunit. Stërvitja e paradites së djeshme u realizua në fushën e stadiumit, teksa futbollistët startues në takimin e së shtunës zhvilluan një seancë rigjeneruese.Pjesa tjetër e lojtarëve e vijuan stërvitjen me vrapim dhe në fund lojë të lirë në hapësira të ngushta. Trajneri Bledi Shkëmbi, së bashku me stafin mjekësor kanë testuar gjendjen fizike të lojtarëve. Grupi i futbollistëve ishte i plotë, përveç Beqajt dhe Kallakut, të cilët janë të dëmtuar, ndërsa pjesa tjetër ka zhvilluar normalisht programin stërvitor.

Djemtë e detit kanë zhvilluar seancën e parë stërvitore me sytë nga dy përballjet e radhës, kundër Tërbunit dhe Skënderbeut. Pas barazimit ndaj Vllaznisë, për lojtarët e Teutës nuk ka pushim, futbollistët dhe stafi i saj zbritën në fushën e blertë për të vazhduar përgatitjet ku kjo javë do jetë e ngarkuar, për shkak të impenjimit si në Kupën e Shqipërisë ashtu edhe në kampionat.

Deri në ndeshjen me Skënderbeun do të vazhdohet me një seancë në ditë. Brenda kësaj kohe pritet që futbollistët të jenë në gjendje optimale. Stërvitja e djeshme filloi me nxehje të lehtë, ku përgatitësit atletik Iris Selimi dhe Françesko Vitobello vazhduan punën me futbollistët me disa ushtrime fizike. Skuadra vazhdoi me ushtrimeve aerobike e më pas lojtarët vijuan punën me top dhe me anën taktike. Në fundin e seancës, ata zhvilluan edhe një ndeshje mes tyre. Ndërkohë, lojtarët që luajtën ndaj Vllaznisë kryen disa vrapime e më pas u futën në ujë të ftohtë për të rigjeneruar forcat.

Në Durrës kanë mjaftueshëm kohë për t’u bërë gati për sfidën ndaj Skënderbeut. Teutën e pret një ndeshje e vështirë, ku të gjithë lojtarët janë mjaft të motivuar dhe shpresojnë që ta vijojnë me rezultate të mira dhe ta kalojnë dhe këtë pengesë. Durrsakët kërkojnë që t’i marrin një e nga një ndeshjet, sepse nuk mund të bëhen plane afatgjata, pasi fillimisht duhet të mendojnë të kalojnë me sukses Tërbunin. Duhet theksuar se atmosfera në grup është pozitive dhe të gjithë kanë besim se do t’ia dalin.

/portali DurresLajm/

Na bëni like në facebook!: 

Lajme nga e njëjta kategori

Tottenham ka filluar të interesohet për Jose Mourinhon si trajnerin e tyre të ardhshëm.Sipas mediave angleze Pochettino do të largohet gj

Presidenti Ilir Meta iu është bashkuar mesazhe të ngushëllimit për ndarjen nga jeta të legjendës së futbollit shqiptar Mico Papadhopulli.

Ka pak gjasa të ndodhë, për të mos thënë nuk ka fare nëse nuk do të ketë një përshkallëzim të situatës në ndeshjet e ardhshme të kombëtar

Cristiano Ronaldo do të jetë pjesë e Juventusit ta paktën deri në përfundim të kontratës aktuale.

A e keni imagjinuar se diferencën mes një medaljeje të artë dhe asaj të argjendtë mund ta bëjë higjiena personale?

Pesë tifozë bullgarë janë arrestuar sot për abuzim racial ndaj lojtarëve të Anglisë gjatë ndeshjes kualifikuese në Euro 2020 Bullgari-Ang

Shumë i lumtur për golin e realizuar u shfaq Rey Manaj i cili u çlirua pas golit spektakolar që realizoi ndaj Moldavisë.

Natyrisht i kënaqur Edy Reja për këtë fitore historike të Shqipërisë në transfertë ndaj Moldavisë më e thella e arritur ndonjëherë.

Presidenti i Federatës Shqiptare të Futbollit Armand Duka vlerësoi me nota maksimale paraqitjen e kombëtares ndaj Moldavisë, por edhe pun