Teuta “ribën” mbrojtjen për Ventspils

10/07/2019 - 15:02

Në letër Teutës i ka buzëqeshur shorti, pasi përballë “Djemve të Detit” është Ventspils e Letonisë. Një kundërshtar i njohur, duke qenë se verën e kaluar u paraqit në një përballje të dyfishtë me Luftëtarin, ku, pavarësisht rezultatit, u duk që nuk ishte një kundërshtar më i lartë se ekipet tona.

Në favor të durrsakëve në këtë përballje është fakti që vijojnë të drejtohen nga Bledi Shkëmbi, trajneri që vijon projektin në startin e sezonit të tij të dytë në krye të skuadrës.

Klubi durrsak ka lëvizur me kujdes në merkato, duke bërë goditje të studiuara për të përmirësuar grupin që edicionin e fundit tregoi se mund të bëjë gjëra të mëdha. Në kampionatin që sapo u mbyll, Teuta kishte një nga sulmet më të mirë, 43 gola të shënuar vetëm dy më pak se Skënderbeu dhe Partizani që e mbyllën në krye me 45 realizime.

Ajo që çaloi ishte mbrojtja, me 36 gola të pësuar, skuadra e 4-t më e keqe në këtë aspekt, duke lënë pas Kamzën dhe Kastriotin, të rënë në Kategorinë e Parë, si dhe Luftëtarin. Ndërkohë Partizani, me mbrojtjen më të mirë, qëndron shumë larg, me 22 gola të pësuar.

Pikërisht reparti i prapavijës është prekur më shumë në merkato, me Rustem Hoxhën që është rikthyer në shtëpi pas aventurave me Kukësin dhe Luftëtarin, një rikthim me statusin e një prej qendërmbrojtësve më të mirë të kampionatit.

Në krah është afruar një kampion, Blagoja Todorovski, që vjen pas eksperiencës disavjeçare me Shkëndijën e Tetovës, ndërkohë që në të majtë është greku Alexandros Kuoros.

I vetmi i mbijetuar në mbrojtje është Renato Arapi, por edhe ai i afruar në merkaton e janarit të këtij viti. Në prag të përballjes me Ventspils, por edhe në prag të kampionatit të ri, Teuta ribën mbrojtjen, në mënyrë që të gjejë garancitë për të evituar pësimin e golave.

/portali DurresLajm/

Na bëni like në facebook!: 

Lajme nga e njëjta kategori

Teuta afroi dy sulmues në merkaton e verës për të zëvendësuar largimet e Tomislav Bushiçit dhe Gerhard Prognit.

Klubi i Teutës po bën punime për të përmirësuar tapetin e stadiumit “Niko Dovana” dhe ka njoftuar se takimi i javës së 8 ndaj Flamurtarit

Ëndrra për Euro 2020 vazhdon. Kjo ëndërr për Kosovën u mbajt gjallë sot nga fitorja me rezultatin 2 me 0 kundër Malit të Zi.

Shqipëria kalon në avantazh ndaj Moldavisë në minutën e 22-të me një gol të shënuar nga Cikalleshi.

Sulmuesi Sokol Cikalleshi ka shkundur rrjetën e kundërshtarëve duke shënuar golin e parë për sfidën ndaj Moldavisë.

Ditën e sotme, trajneri i kombëtares U-21, Alban Bushi ka dalë në një konferencë për shtyp për të folur në prag të ndeshjes zyrtare kuali

E zeza mbi të bardhë në kontratë, “vendosin” që Roberto Mançini do të jetë trajneri i kombëtares italiane të paktën deri në vitin 2022, v

Shqipëria me disfatën 1-0 ndaj Turqisë humbi praktikisht mundësinë për të qenë e pranishme në Euro 2020.

Teuta ka vijuar stërvitjen, ndërsa në ndryshim nga skuadrat e tjera të Superiores, nuk ka preferuar të zhvillojë ndonjë ndeshje miqësore.