Zv/trajneri i Teutës, Hodo: Të gjendet zgjidhje për të riatdhesuarit

22/05/2020 - 13:11

Teuta është e gjitha e fokusuar te përgatitjet. Edhe pse ditët janë të pakta në dispozicion, duket se në Durrës nuk e kanë në plan që të heqin dorë nga zona “Euro”.

Një gjë të tillë e pohon edhe Bledar Hodo, që mban edhe postin e zv.trajnerit te “djemtë e detit”. Ai evidenton se skuadra do të bëjë çmos që të jenë në formën optimale për ta përballuar me sukses pjesën e mbetur të sezonit.

Shqetësimi i vetëm lidhet me të riatdhesuarit dhe karantinimin 14-ditor, ndaj bën apel që një orë e më parë t’i jepet një zgjidhje këtij ngërçi.

Bledar, si paraqitet gjendja e skuadrës pas tri ditësh stërvitje?

Ne gjatë gjithë kësaj kohe kemi punuar, ndonëse me grupe të ndara. Nga e hëna jemi bashkuar pothuajse e gjithë skuadra, përjashto dy lojtarë që i kemi jashtë vendit. Shpresoj që t’i kemi në gjendje sa më të mirë lojtarët që janë riatdhesuar edhe gjatë këtyre ditëve dhe nëse gjithçka shkon sipas planit, besoj se do ta kapin gjendjen optimale.

Kampionati pritet të rinisë më 3 qershor, a do të jenë gati fizikisht futbollistët deri në atë datë?

Normalisht që do të kemi probleme, por besoj se sportistët janë profesionistë dhe nuk e kanë lënë veten deri në pikën e fundit. Dua të them, ata janë stërvitur individualisht dhe mbi të gjitha kemi bërë maksimumin me këto stërvitjet e kryera me grupe të vogla për të përballuar me sukses pjesën e mbetur të këtij sezoni.

Sa do t’ju penalizojnë futbollistët që kanë ardhur nga jashtë, pasi duhet të qëndrojnë 14 ditë në karantinë?

Kjo është pjesa më e vështirë do të thosha. Ne kemi pjesën dërrmuese të lojtarëve në urdhra, por ka edhe mungesa. Ky është një ngërç që ne duhet ta zgjidhim. Duhet të mendojmë diçka tjetër bashkë me kolegët e ekipit për t’i sjellë sa më shpejt në fushë.

Në skuadër janë bashkuar shumë lojtarë nga ekipi U-19, a do të jenë ata në ndihmë për 10 javët e mbetura?

Aktualisht që po flasim këta lojtarë kanë bërë mirë në kampionatin e tyre dhe janë në vendin e parë në Grupin B. Ne i kemi ndjekur herë pas here disa e presim prej tyre shumë. Janë vërtet elementë cilësorë edhe nëse do të na krijohet mundësia, do t’i aktivizojmë në ndeshje.

Synimi i Teutës këtë sezon është vendi i tretë dhe pjesëmarrja në Kupat e Europës. A është ky një objektiv i arritshëm, duke parë rivalët dhe mbi të gjitha situatën e krijuar kohët e fundit?

Kjo është një gjendje që nuk na ka prekur vetëm ne, por të gjitha ekipet e Kategorisë Superiore. Ne kemi bërë maksimumin e mundshëm gjithnjë për ta sjellë skuadrën aty ku duam. Kampionati sigurisht është shumë i vështirë dhe gara gjithashtu është shumë e fortë, e megjithatë do të luftojmë deri në frymën e fundit për t’ia dalë. Shanset janë dhe dëshira gjithashtu, ndaj as Koronavirusi nuk do të na pengojë që të arrijmë qëllimin tonë për të qenë pjesë e Kupave të Europës.

/portali DurresLajm/

Na bëni like në facebook!: 

Lajme nga e njëjta kategori

Rikthimi i Pep Guardiolës te Barcelona mund të bindë Lionel Messin të rinovojë kontratën me blaugranat dhe të qëndrojë gjatë në Camp Nou.

Kritikat e Benzemasë ndaj shokut të skuadrës Vinicius nuk janë pritur mirë në Brazil.

Teuta është gati për të nisur “luftën” dhe këtë vit e ka ndarë mendjen për të guxuar titullin.

Milani dhe Roma ofruam një mbrëmje emocionuese në përplasjen e fundjavës në Serinë A (3-3), por spektakli i “San Siros” u njollos në njëf

Milani nuk arriti të afronte në skuadër një qëndërmbrojtës në merkaton e verës dhe do të tentojë ta bëjë këtë në merkaton e dimrit në mën

Maurizio Sarri është shumë pranë zgjidhjes së kontratës me Juventusin.

Liga Profesioniste e futbollit e mbledhur në orën 13:00 të kësaj të enjteje, ka vendosur t’i japë fund bojkotit dhe të nisë kampionatin e