Zyrtarizohet Perisic: Te Bayerni për të fituar gjithçka

14/08/2019 - 10:17

Mungonte vetëm zyrtarizimi por edhe ai ka ardhur. Ivan Perisic është futbollisti më i ri i Bayern Munich. Pas 4 sezonesh sulmuesi kroat është larguar nga Italia duke lënë Interin për t’u rikthyer në Bundesliga këtë herë për të mbajtur veshur fanellën e Bayern Munich pas eksperiencave me Borussian e Dortmundit dhe Wolfsburg-ut.

Në arkat e Interit kanë shkuar 5 milionë euro për huazimin 1-vjeçar të futbollistit, ndërsa Bayerni në fund të sezonit nëse bindet nga Perisic mund të aplikojë të drejtën e blerjes për 20 milionë euro.

“Jam shumë i lumtur që jam rikthyer në Gjermani, Bayerni është një nga klubet më të mëdha në botë. Do të provojmë të fitojmë jo vetëm Bundesligan dhe Kupën e Gjermanisë por edhe Champions Leaguen”, deklaroi Ivan Perisic.

Shumë i lumtur për transferimin e Perisic te Bayerni u shfaqën shefi ekzekutiv Karl Heinz-Rummenigge dhe drejtori sportiv Hasan Salihmidzic, i cili theksoi se kroati do t’i ndihmojë shumë bavarezët me eksperiencën e tij në arenën ndërkombëtare.

Ndërkohë para ndeshjes ndaj Cottbusit në Kupën e Gjermanisë të fituar me rezultatin 1-3 nga Bayerni në lidhje me transferimin e Perisic në Allianz Arena u shpreh edhe trajneri Niko Kovac i cili nuk e cilësoi si një plan B, 30-vjeçarin për të cilin thuri lëvdata, madje sipas Kovac Bayerni do ta tentonte afrimin e Perisic edhe në rast se do të merrte Leroy Sane nga Manchester City.

/portali DurresLajm/

Na bëni like në facebook!: 

Lajme nga e njëjta kategori

Ricardo Rodriguez me shumë gjasa do të largohet nga kuqezinjtë. Destinacioni i ri për zviceranin do të jetë Turqia.

Edi Martini, trajneri i skuadrës së Teutës, pas ndeshjes me Bylisin të luajtur në “Niko Dovana” ka pohuar:

Teuta ka marrë një fitore shumë të vështirë ndaj Bylisit, me rezultatin 1-0.

Quique Setien është i zhgënjyer me humbjen 2-0 nga Valencia në "Mestalla".Trajneri i ri i Barcelonës u mundua të arsyetohet për humbjen e

Një futbollist anglez i kategorive të ulëta është vrarë gjatë natës në Nottinghamshire.

Racizmi në shkallët e stadiumit është duke u kthyer gjithnjë e më shumë në problem.

Juventusi është vetëm një hap larg blerjes së Levin Kurzavës nga PSG-ja, në një shkëmbim shitjeje kokë më kokë me Matia De Shiljon, e cil

Mikel Arteta është duke finalizuar goditjen e tij të parë në merkato.

Zinedin Zidan merr në mbrojtje Garet Bejlin dhe thotë se të gjithë janë të mërzitur për faktin që dëmtohet shpesh.