Anulohet përfundimisht Maratona e Parisit

13/08/2020 - 21:01

Anulohet përfundimisht Maratona e Parisit, për shkak të pandemisë së koronavirusit. Maratona e përvitshme në kryeqytetin francez konsiderohet si një ndër garat më të famshme të kësaj disipline në rruzull dhe ishte programuar si zakonisht për t’u mbajtur në një nga të dielat e muajit prill, më saktë më datë 5 prill, por gjithçka u shty nga organizatorët për një tjetër datë dhe për një kohë më të mirë, pas shpërthimit të pandemisë së Koronavirusit, që u përhap me shpejtësi dhe la pasoja edhe në këtë vend të Kontinentit të Vjetër.Drejtuesit më të lartë të këtij aktiviteti fillimisht vendosën shtyrjen për në datën 15 nëntor, megjithatë, duke parë edhe zhvillimet më të fundit, organizatorët vendosën për ta anuluar përfundimisht Maratonën e Parisit për vitin 2020.

Bashkë me Berilinin dhe Londrën Maratona e Parisit është një ndër tri maratonat më të rëndësishme në Kontinentin Evropian dhe vendimi i komitetit organizator është i kuptueshëm, duke parë edhe përshkallëzimin e pandemisë së Koronavirusit në Francë, gjatë këtyre ditëve të fundit.Franca përfaqëson shtetin e 20-të më të prekur në glob nga virusi COVID-19 dhe deri ditën e martë në këtë vend janë regjistruar plot 204.172 të infektuar, prej të cilëve 30.354 kanë humbur jetën, gjithsesi vlen të theksohet fakti që vetëm këtë ditë numri i të prekurve nga pandemia e koronavirusit u shtua me plot 1.397 persona.Çdo vit, në maratonën e famshme të kryeqytetit francez marrin pjesë afërsisht 50.000 vetë. Në Maratonën e Parisit numri i pjesëmarrësve është i kufizuar.

Kështu edicionin e kaluar gjatë vitit 2019 morën pjesë 49.155 vetë dhe si për meshkuj ashtu edhe për femra ngadhënjyen atletët etiopianë. Abrha Milaw fitoi për meshkuj, ndërsa te femrat triumfoi Gelete Burka. Organizatorët deklaruan se i bënë të gjitha përpjekjet për ta zhvilluar normalisht këtë aktivitet edhe gjatë këtij viti, por për shkak të rrethanave gjithçka u bë e pamundur.Krerët e Maratonës së Parisit shtuan se e kuptojnë shumë mirë zhgënjimin e të gjithë atyre që kanë sakrifikuar një pjesë të çmuar të kohës së tyre, duke u stërvitur, për të  marrë pjesë në maratonën e programuar për në stinën e vjeshtës, sidoqoftë organizatorët premtuan se ata do të bëjnë të gjitha përpjekjet për t’i kthyer vrapuesit në rrugët e bukura të kryeqytetit francez.

Maratona e Parisit shquhet për itinerarin e veçantë që përshkojnë pjesëmarrësit, pasi kalon në Champs – Elysees dhe Place de la Concorde. Ashtu siç ndodhi me aktivitetin e Maratonës së Parisit më herët edhe organizatorët e Maratonave në Berlin dhe New York vendosën për të anuluar gjithçka për vitin 2020, gara që ishin programuar respektivisht për në datat 27 shtator dhe 1 nëntor. Javën e kaluar u konfirmua se Maratona e Londrës do të zhvillohet normalisht sipas kalendarit të përcaktuar, më datë 4 tetor, por gjithsesi organizatorët kanë deklaruar se në kryeqytetin e Mbretërisë së Bashkuar do të përfshihen vetëm atletët elitarë të kësaj disipline.

/portali DurresLajm/

Na bëni like në facebook!: 

Lajme nga e njëjta kategori

El Clasico” nuk përfundon kurrë. Polemikat që rrethojnë ndeshjet mes Barcelonës dhe Realit të Madridit janë të pafundme.

"Teuta ka sulmin më të frikshëm në Superiore, titulli kampion mbetet objektivi i vetëm".

Kampionati i Kategorisë Superiore duhet të kishte nisur më 12 shtator, por klubet e organizuara në Ligën Profesioniste të Futbollit mendu

Manchester City ka konfirmuar vdekjen e ish-lojtarit të akademisë së tij, Jeremy Wisten, i cili ndërroi jetë të dielën në moshën 17-vjeça

Ditën e sotme në mediat angleze qarkulloi lajmi se Paul Pogba kishte braktisur kombëtaren e tij.

Marash Kumbulla është dalluar edhe jashtë fushës së blertë, e për këtë mund të flasë shumë ish-profesori i tij i gjimnasit.

Milani merr një goditje të rëndë vetëm disa orë para ndeshjesh ndaj Romës.

Në Itali pritej që numri i tifozëve në stadiume të rritej deri në masën 30%, por shtimi i infektimeve me Covid-19 ka bërë që presidenti G

Teuta e Edi Martinit ka shkëlqyer në testin brenda familjes, duke triumfuar me rezultatin 9-1 ndaj ekipit U21 në ndeshjen e zhvilluar në

Dy muaj pasi përfundoi dënimin në Paraguaj, Ronaldinjo është infektuar me COVID-19.