Emiliano Veliaj operohet në maskolar

06/04/2012 - 00:00

Emiljano Veliaj
<h4>Emiljano Veliaj</h4>

 

Fitorja spektakolare e Teutës ndaj Skënderbeut, nuk ka gjasa të shuhet shpejt. Kjo edhe për një fakt tjetër domethënës. Teutës do t’i mungojë për momentin mesfushori Emiliano Veliaj. Dëmtimi është i rëndë dhe tronditës. Në minutën e 41-të të pjesës së parë, në një dyluftim ajror përplasen kokë më kokë Veliaj i Teutës dhe Bratiç i Skënderbeut. Për futbollistin durrsak përplasja u komplikua më shumë nga ç’mendohej. Autoambulanca e gatshme e stadiumit, e transporton futbollistin drejt spitalit rajonal të Korçës. Atje Veliajt i është dhënë ndihma e nevojshme.

Solidaritet

Fizioterapisti i njohur i Teutës, Arjan Shaba, i cili edhe në spital është përfshirë në shtabin mjekësor të ortopedit të njohur Neritan Myderrizi, është shumë i prekur nga kujdesi, humanizmi dhe solidariteti njerëzor i treguar nga bluzat e bardha të spitalit rajonal të Korçës. Atje është treguar një kujdes i jashtëzakonshëm për futbollistin durrsak, duke prekur pa masë tërë ekipin e Teutës, teknikët e tij dhe presidentin Hasanbelliu. Shaba tregon se,- “në spitalin e Korçës Veliajt iu bënë të gjitha shërbimet, madje deri edhe skaneri.

Kur ekipi u nis me autobus drejt Durrësit, spitali i Korçës vendosi autoambulancën e tij në dispozicion, ku brenda saj krahas futbollistit dhe unë si shoqërues, ndodheshin edhe një grup mjekësh vendas. Kemi ecur në një kohë me autobusin dhe na shoqëronin gjithashtu me dhjetëra mjete të tifozërisë durrsake, duke krijuar një karvan prekës dhe emocionues”.

Mbërritja në Durrës

Të premten e javës së kaluar, në mbrëmje, Veliaj është shtruar në spitalin e Durrësit. Tashmë është bërë e qartë, që futbollisti ka pësuar frakturë të rëndë në  pjesën maksilare. Është zona e dalë kockore e anës së djathtë të fytyrës, poshtë syrit. Ajo është thyer. Në këto kushte ndërhyrja kirurgjikale u bë fakt i kryer.

Të hënën paradite, Emiliano Veliaj u operua nga kirurgu dentar Flori Bllaca. Sipas fizioterapistit Arjan Shaba, futbollisti me këtë ndërhyrje, si dhe duke planifikuar edhe kohën e rikuperimit, do të qëndrojë pushim për një periudhë gati 2 mujore. Kjo do të thotë fundi i sezonit për Emiliano Veliajn.

 

Futbollisti do të qëndrojë pushim për një periudhë gati 2 mujore. Kjo do të thotë fundi i sezonit për Emiliano Veliajn. Por ai shpreson të mos i japë kaq shpejt fund sezonit, të paktën pa zhvilluar dy ndeshjet e fundit me ekipin

Lojtari Bratiç

Inkurajim i madh për mesfushorin e Teutës, Emiliano Veliaj, mbetet edhe reagimi i futbollistit të Skënderbeut Davor Bratiç. 25 vjeçari kroat i ka telefonuar homologut të tij të Teutës, duke e inkurajuar në kalimin sa më të shpejtë të dëmtimit. Njëkohësisht, Bratiç shprehu edhe keqardhjen për këtë dëmtim, që sigurisht ishte pjesa normale e lojës. Veçanërisht Veliajt i është dhënë mbështetje dhe përkrahje e fuqishme nga tifozëria dhe opinioni qytetar i Durrësit.

Optimizmi

Futbollisti ndjehet optimist për kapërcimin e kësaj traume dhe mendon se shumë shpejt do të jetë pranë shokëve, për t’iu bashkuar qëllimit të përbashkët për fitimin e titullit. Të mërkurën, Veliaj është larguar nga spitali rajonal i Durrësit dhe është akomoduar në banesën e tij në Tiranë ku jeton së bashku me të fejuarën.

Ndërhyrja kirurgjikale nuk ka qenë fort e lehtë, ndonëse gjithçka është zhvilluar normalisht. “Me mendje dhe zemër jam pranë shokëve të mi. Të dy palët kanë nga një motiv bindës për t’u ndodhur pranë njëri tjetrit. Unë për t’iu bashkuar ekipit në realizimin e qëllimit të përbashkët fitimin e titullit dhe shokët në sfidat e mbetura për të luftuar e për t’u përpjekur edhe për mua. Jemi shumë të motivuar për titullin, veçanërisht pas asaj fitoreje aq të bukur dhe të merituar me Skënderbeun. Kam qenë nën kontrollin e mjekëve të spitalit të Korçës, të cilët gjej rastin për t’i falenderuar. Kur mësova për shënimin e golit të fitores jam gëzuar pa masë. Pas 10 ditëve pushim, do të nis nga stërvitjet. Besoj, besoj shumë të mos i jap fund sezonit pa zhvilluar të paktën dy ndeshjet e fundit me ekipin”,- thotë Veliaj nga Tirana.

/portali DurresLajm/

Na bëni like në facebook!: 

Lajme nga e njëjta kategori

Pas goditjes që i dha Manchester City-t për shkeljen e rregullave të Fair Play-t Financiar, UEFA është e gatshme të ashpërsojë rregullore

Aksident i rëndë në Daytona 500, që konsiderohet gara më e rëndësishme në “NASCAR Cup Series”.

Nicolás Blandi, sulmuesi argjentinas i skuadrës Colo Colo të kryeqytetit të Kilit, Santiago, u plagos nga fishekzjarret apo mjetet plasës

Edi Martini, trajneri i Teutës, ka komentuar me batutë paraqitjet e fundit të Tiranës në kampionat.

Teuta u rikthye te suksesi në kampionat këtë fundjavë në sfidën ndaj Vllaznisë.

Teuta fitoi me rezultatin 3-1, madje duke përmbysur disavantazhin ndaj Vllaznisë që nuk zgjati më shumë se 10 minuta në “Niko Dovana”, në

Liverpuli i sezonit 2019-2020 është një makineri pikësh, golash dhe rekordesh.

Shuhet Harry Gregg, legjenda e Manchester United.

Barcelona ka një qëllim të qartë në merkaton e verës, të transferojë yllin e Interit, Lautaro Martinez.

Manchester Cityt i është hequr e drejta për të garuar në kompeticionet europiane në dy sezonet e ardhshme nga ana e UEFA-s, ndërsa tani r