Festimet me shqiponjë tërbojnë federatën zviceriane

04/11/2014 - 14:34

DURRËS, 4 nëntor 2014-  Festimet me shqiponjë të futbollistëve shqiptarë, Granit Xhaka e Pajtim Kasami, nuk i kanë lënë përshtypje të mirë Federatës së Futbollit të Zvicrës. Zyrtari i federatës zvicerane, Marko von Ah, për “Sonntags Zeitung” ka bërë të ditur se do t’u tërhiqet vëmendja lojtarëve për mënyrën sesi të sillen, në përgatitje para ndeshjes eliminatore për Europianin “Francë 2016″ që Zvicra e luan më 15 nëntor në St. Gallen kundër Lituanisë. Federata e Futbollit e Zvicrës ndalon përfshirjen e politikës në fusha futbolli dhe këtë ka ndër mend t’ua përkujtojë lojtarëve. Po ashtu ka ndër mend edhe të bëjë thirrje për lojtarët në mënyrë që ata mos të bëjnë komente fyese apo emocionale në rrjetet sociale. Dy futbollistët e Zvicrës, Granit Xhaka dhe Pajtim Kasami, kishin festuar me shqiponjë golat së fundi. Ata me dy duart kanë krijuar figurën e shqiponjës dykrenare që është simbol i shqiptarëve. “Federatës së Futbollit të Zvicrës i janë bërë këto festime me shqiponjë të lojtarëve Granit Xhaka e Pajtim Kasami si një gjemb në sy. Tani përfaqësuesja duhet të vendosë rregulla sa i përket mënyrës së sjelljes”, shkruan gazeta zvicerane “Blick”. Xhaka kishte festuar një gol të shënuar kundër Hanoverit muajin e kaluar duke bërë shqiponjë dykrerëshe, ndërsa pak ditë më vonë Pajtim Kasami festoi në të njëjtën mënyrë kur shënoi golin e fitores në Athinë ndaj Juventusit (1-0) në Ligën e Kampionëve. “Këto gjeste mund të konsiderohen si problematike”, ka thënë Von Ah. Të njëjtin mendim kanë pasur edhe tifozë të shumtë të përfaqësueses së Zvicrës, të cilët kanë thënë se lojtarët e përfaqësueses helvete nuk duhet të festojnë me shqiponjë qoftë nëse shënojnë për klube, qoftë edhe për përfaqësuese. Në të vërtetë, festimet e futbollistëve shqiptarë me shqiponjë janë shtuar pas ngjarjeve që ndodhën në Beograd më 14 tetor në ndeshjen eliminatore mes Shqipërisë dhe Serbisë, ku futbollistët shqiptarë u sulmuan nga tifozët serbë, pasi më parë u vunë në mbrojtje të flamurit. Xhaka, me të shënuar golin, kishte thënë: “Ka qenë një javë e vështirë për mua. Vëllai im, Taulanti, ishte me Shqipërinë dhe ishte në mes të asaj ngjarjeje. Unë kurrë nuk do t’i fsheh rrënjët e mia. Po ashtu është mirë që me vëllanë tim një Xhakë luan për Shqipërinë. Sa për festimin tim, disa tifozë kishin një flamur të Shqipërisë dhe unë i kam përshëndetur ata në atë formë. Ata më përkrahin gjithmonë, ndonëse unë luaj për Zvicrën”. Ndërkohë, Pajtim Kasami po ashtu është shprehur se nuk i harron rrënjët e tij, edhe pse është i lindur në Zvicër. Festimi i tij ishte kritikuar ashpër edhe në Greqi.

/portali DurresLajm/

Na bëni like në facebook!: 

Lajme nga e njëjta kategori

Union Berlini është i vendosur që të kthejë tifozët në stadiume, duke premtuar se do të mbulojë shpenzimet për të kryer testimin për COVI

Një tifoz vetëm 12 vjeç është arrestuar pasi ofendoi në Instagram me shprehje raciste sulmuesin Wilfried Zaha para ndeshjes Aston Villa –

Teksa poston një foto me ish-trajnerin e Kombëtares, Gianni De Biasi, Presidenti Ilir  Meta thotë se tani me Azerbajxhanin përveç TAP-it

“Lautaro është shumë pranë Barcelonës? Absolutisht po. Marrëveshja është arritur? Absolutisht jo”.

Manchester City merr lajmin e madh nga Gjykata  Arbitrazhit Sportiv.

Teuta do të luajë në javën e 34-ërt një ndeshje të rëndësishme për objektivin Europë, por me shumë mungesa.

Kukësi e zgjidhi shumë shpejt ndeshjen ndaj Teutës me golat e shënuar që në pjesën e parë.

Një moment pa dyshim jo i mirë për Marcelo Brozoviç, në fushën e gjelbër për shkak të dëmtimeve por edhe jashtë saj.

150 milion euro, kjo është fatura që Steven Zhang duhet të paguaj për të shkarkuar Antinio Conte nga Inter dhe për të gjetur një staf të