Goditi Thiago Mottan, 6 muaj pezullim Brandaos

19/09/2014 - 20:28

 

Jo dy vjet, jo një vit, por 6 muaj. Është ky ndëshkimi për një futbollist fajtor për faktin se gjuajti me qëllim me kokë në fytyrë një kundërshtar, duke i shkaktuar një frakturë në kockën e hundës. Protagonisti është Brandao, sulmuesi i Bastia, viktima Thiago Motta, që u godit në fytyrë në 16 gushtin e kaluar, në përfundim të javës së dytë të kampionatit në tunelin e Parc de Princes.

Brandao realisht që është përkëdhelur nga komisioni disiplinor që dha verdiktin: 6 muaj pezullim. Do të mund të luajë sërish nga 22 shkurti i 2015, edhe pse me gjykimin penal rrezikon deri në 3 vjet burg.

Gjatë mbledhjes së Komisionit Disiplinor, avokati i brazilianit rindërtoi kontekstin e dinamikës, duke e transformuar Brandaon në viktimë të fyerjeve me karakter racist nga Thiago Motta. Italiani që ishte prezent në përballjen e ballafaqimit përgënjeshtroi në mënyrë kategorike. Pastaj trupa e gjykatësve vendosi të japë një ndëshkim që korrespondon me gjysmën e atij që ju dha një vit më parë Leonardos, që shtyu një arbitër sërish në tunelin e Parc de Princes, dhe të mendosh që ajo shtyrje ndaj arbitrit ishte më pak e dukshme se goditja me kokë e Brandaos që duket qartë ndërsa pret Mottan të kthehet nga fusha, për ta goditur befasisht për t’ia futur më pas vrapit, i mbrojtur edhe nga një shok skuadre.

Braziliani nuk i ka kërkuar kurrë falje mesfushorit të PSG, por gjithsesi është dhe objekt i drejtësisë penale. Procesi është përcaktuar të zhvillohet në 3 nëntor dhe në gjykatë Brandao rrezikon deri në 3 vjet burg, 45 mijë euro gjobë dhe një përjashtim nga manifestimet sportive për plot 5 vjet.

/portali DurresLajm/

Na bëni like në facebook!: 

Lajme nga e njëjta kategori

Ndërsa pandemia e koronavirusit po gjunjëzon të gjithë botën, FIFA vrapon për të shpëtuar futbollin.

Ish-presidenti i Marsejës, Pape Diof, u nda nga jeta ditën e djeshme, në moshën 68-vjeçare, pasi u infektua me koronavirus.

Këshilltari i ekipit të Formulës 1 Red Bull, Racing Helmut Marko i propozoi pilotëve të skuadrës austriake për t’u infektuar me koronavir

“Pape ynë ka vdekur”! Ky është titulli i madh i prestigjiozes franceze “L’Equipe”, që i ka dedikuar faqen e parë ish-presidentit

Klubet në Itali janë ndarë në dysh, me disa që kërkojnë anulimin e sezonit aktual dhe nisjen e përgatitjeve për të ardhshmin, dhe të tjer

Mënyra më e mirë për të harruar izolimin është stërvitja.

Një lajm i bujshëm nga Italia që gjen vend në faqet e para të gazetave spanjolle.

Drejtori Sportiv i Lazios, Igli Tare ka dhënë një intervistë për kanalin gjerman “Sport 1”, ku përveç situatës së vështirë që po kalon It

Ndonëse situate me koronavirusin në Europë mbetet shqetësuese dhe në shumë disa shtete është përhapur në masë të gjer, në UEFA nuk kanë n