Mërgim Mavraj pati një episod në takimin e humbur 4-0 ndaj Skocisë, ku goditi me kokë kundërshtarin Rajan Kristi dhe u largua me të kuq që në pjesën e parë.

Megjithatë ky gjest i ka kushtuar rëndë kapitenin të përfaqësues sonë. UEFA e ka dënuar atë me 3 ndeshje pezullim. Lajmi është konfirmuar gjatë intervistës së djeshme nga vetë Panuçi, pasi më parë nuk është bërë publike.

“Vendosi të kthehet në Gjermani dhe unë e shoh që aktivizohet, por për të nuk duhet të mendojmë tani, është i skualifikuar për 3 ndeshje. I uroj që të jetë mirë dhe të mbaj formën, për të ardhmen të shohim.” ishin fjalët e Panuçit duke konfirmuar se nuk do ta kishte të gatshëm qendërmbrojtësin.