Humbje e rëndë e Teutës

16/07/2012 - 00:00

Qëndrime kritike për këtë humbje nga shtypi shqiptar

MetalurgRustavi-Teuta 6-1

Golat: G.Tekturmanidze 14′, 19′, D.Tatanashvili 37′, 69′, R.Getsadze 59′,  Mikaberidze 73′,Deliallisi65′

Teuta: Rizvani, Osmani, Da Silva, Jakupi, R.Hoxha (Devolli 61’) Sheta, Veliaj (A.Hoxha 38’), Dosti, Nika, Deliallisi, Mancaku. Trajner: H.Lika

Gjyqtarë: V.Vnuk, R.Sluk, T.Vorel (Sllovaki)

Me 5 korrik, Teuta, e sapo kthyer nga ditët bullgare të përgatitjes, nisi aventurën europiane të ballafaqimeve. Në pamje të parë kundërshtari i saj Metalurg Rustavi, përfaqësuese e futbollit modest gjeorgjian, u duk pengesë e lehtë. Madje media nxitoi ta trajtonte si mundësi e mirë e Teutës, për të vështruar nga turi i dytë. Por terreni i lojës rrëzoi këto versione, duke e vendosur ekipin durrsak në pozitat nga më të vështirat e përfaqësimeve europiane. Humbja në Durrës ishte e thellë 3-0, me një lojë pa grintë, larg të qënurit ekip nënkampion i vendit. Me 12 korrik, durrsakët u ndodhën në transfertën gjeorgjiane. Takimi u zhvillua në stadiumin e Tbilisit, pasi fusha e Rustavit me emrin Poland, ishte në rikonstruksion. Pak shikues, pak vëmendje nga opinioni vendas, kushtëzuar edhe nga rezultati i ndeshjes së parë. Edhe në takimin e dytë djemtë e Teutës luajtën dobët dhe pësuan nga humbjet më të thella të saj në angazhimet ndërkombëtare. Durrsakët pësuan 6 gola duke shënuar vetëm 1.

Komentet e agjencive të ndryshme të lajmeve, bëjnë me dije se edhe televizioni shtetëror pas pjesës së parë, e ndërpreu transmetimin e këtij takimi, duke u fokusur tek ndeshja e futbollit vendas ndërmjet klubeve Aktobes – Torpedo Kuitasi. Shumë kritik ishte qëndrimi i mediave shqiptare, që në numrat e tyre të nesërmen e takimit bënë komente nga më të ndryshmet. Gazeta Panorama Sport, nga më të përhapurat në vend në vendin kryesor të faqes së parë botonte titullin: “Turpërohet Teuta” dhe poshtë saj shtrihet nëntitulli: Durrsakët fundosen në Gjeorgji, pësojnë gjashtë gola”. Në tekstin që vijon në brendësi të gazetës, lexohet ndër të tjera: “Në këtë mënyrë nënkampionët e Shqipërisë kanë marrë një “shuplakë” të rëndë nga Metalurg Rustavi, ekipi i një qyteze metalurgjike në Gjeorgji”. Mjaft kritike tregohet edhe e përditshmja tjetër sportive Sporti Shqiptar. “Teuta skandal” është titulli kryesor i faqes së parë. Në faqen 4, komenti për ndeshjen mban këtë titull: “O zot çfarë turpi”.

Ndër të tjera shkruhet,-  “...një skuadër modeste gjeorgjiane, nxjerr në shesh të gjitha dobësitë e kampionatit shqiptar. Teuta edhe pse me lojtarë që Europën e kanë mësuar që prej 13 vjetësh, është shkërrmoqur sa nuk ia vlen të shkruash më ...”. Ndërsa gazeta Sport Ekpres, në numrin e saj të datës 13 korrik në shkrimin me titullin “Teuta eliminim”! Nëntitulli është:”Një “thes” me gola, për Metalurg ishte ndeshje kontrolli. Çfarë është kjo Teutë e tanishme shtrohet pyetja? Qëndrime të ashpra kritike ndaj paraqitjes së dobët së Teutës në Tbilisi, thuajse është vënë re edhe në përditshmet jo sportive që botohen në Shqipëri. Gazeta “Dyrrah” shpreh bindjen dhe sigurinë, se Teuta i ka të gjitha mundësitë të heqë imazhin e kësaj paraqitje të dobët në Europa League. Formatimi i saj i studiuar në kampionatin kombëtar që pritet të fillojë në fund të muajit gusht, do të prezantojë atë Teutë që e dëshirojnë sportdashësit e shumtë të saj.

 

/portali DurresLajm/

Na bëni like në facebook!: 

Lajme nga e njëjta kategori

Leo Mesi nuk po kalon një moment shumë të mirë te Barcelona këtë sezon, aq sa kanë filluar të qarkullojnë edhe lajme mbi një largim të mu

Fanella e re e Barcelonës do të duhet të dilte në treg për ndeshjen kundër Espanjolit, por kompania që e ka prodhuar atë bashkë me drejtu

Pas barazimit 0-0 me Kukësin në takimin e parë të gjysmëfinales të Kupës së Shqipërisë, trajneri i Teutës Edi Martini u shpreh se skuadra

Sherif Kallaku nuk jep detaje, por skuadra e tij e re nuk do të jetë as Slask Vorklav dhe as CSKA Sofje.

Sherif Kallaku ishte sërish një nga më të mirët për Teutën edhe në përballjen e parë të vlefshme për Kupën e Shqipërisë, përballë Kukësit

Pas Xhakomo Vrionit, apo akoma më përpara edhe Andi Zeqirit, Juventusi vendos që t’i shtojë skuderisë së të rinjve të shumtë që ka në dis

Dalja e fundit publike dhe zyrtare e Bernard Arno, lidhur me blerjen e mundshme të Milanit, tashmë daton 5 muaj më parë, një përgënjeshtr

Dalja e fundit publike dhe zyrtare e Bernard Arno, lidhur me blerjen e mundshme të Milanit, tashmë daton 5 muaj më parë, një përgënjeshtr