Kutinjo, “show” në stërvitjen e parë me Bajernin

21/08/2019 - 22:29

“Mezi po pres ditën e nesërme për të takuar kolegët e mi në stërvitje”, ishin fjalët e Felipe Kutinjos në prezantimin ditën e hënë.Edhe pse në një ditë me shi, 1500 tifozë bavarezë erdhën në Sabener Shtrase për të ndjekur stërvitjen e parë të brazilianit me skuadrën e Bajernit të Mynihut.

Me të ishte edhe blerja tjetër, francezi Mikael Kysons. Plot 18 lojtarë kishte në dispozicion trajneri Niko Kovaç në stërvitjen e ditës së martë.Korentin Toliso kreu stërvitje të diferencuar në palestër, Leon Gorecka mungoi për shkak të një dëmtimi dhe Kristian Fryhtl dhe Torben Hofman ishin të impenjuar me skuadrën e dytë. Por sytë e të gjithë të pranishmëve ishin të fokusuar te Felipe Kutinjio. Shumë prej tyre kishin veshur fanellën me numrin 10, fanellë që do të mbajë veshur braziliani 27-vjeçar, i cili nxehmjen e kreu së bashku me Robert Levandovskin, me të cilin bisedoi disa minuta.

Nëse tema ka qenë skema e re në sulm, kjo nuk dihet. Pas stërvitjes lojtari është ndalur për të përshëndetur tifozët e ndodhur pas hekurave, me të cilët bëri fotografi dhe firmosi autografe të shumta. Të kënaqur nga sjellja e lojtarit sportdashësit u shprehën se impakti i parë me ish-lojtarin e Barçës ishte shumë pozitiv. “Ishte një djalosh i qeshur, jemi kënaqur shumë këto dy orë që kemi ndenjur këtu.

Shiu nuk na ka penguar për të ndjekur Kutinjon dhe lojtarët e tjerë. Në vetëm pak ushtrime që mund të shihnim, ra në sy teknika e jashtëzakonshme e brazilianit. Mezi po presim ta shohim në fushën e lojës”, ishin fjalët e një prej shumë tifozëve të pranishëm në Sabener Shtrase.

/portali DurresLajm/

Na bëni like në facebook!: 

Lajme nga e njëjta kategori

Teuta triumfoi me rezultatin 3-1, ndaj Vllaznisë, në ndeshjen e vlefshme për javën e 22-të të Kategorisë Superiore.

Teuta ia ka dalë të marrë tre pikët në sfidën shtëpiake ndaj Vllaznisë.

Atleti shqiptar Franko Burraj ishte pranë një arritjeje impresionuese në kampionatin ballkanik të sallave të mbyllura, por fati nuk ishte

Golat dhe numrat mbreslënës që rrethojnë Erling Braut Haaland nuk janë më suprizë.

“Neymar kthehet te Barcelona”, është ky njoftimi i shpërndarë në rrjetet sociale të klubit “blaugrana”, që sigurisht është shoqë

Barcelona iu bashkua Realit të Madridit në vendin e parë në kampionatin spanjoll të futbollit pas fitores 2-1 ndaj Getafes. Në ndeshjen k

Mançester Siti u njoh me njoftimin se do i duhet të qëndrojë jashtë Ligës së Kampionëve për dy sezonet e ardhshme.

Grumbullimi i Rei Manajt me ekipin e parë të Barcelonës nuk përbënte lajm vetëm në Spanjë, por edhe në mediat e tjera.

Skuadra serbe e Ligës së Parë, Dinamo Vranje, ka përzgjedhur Shqipërinë për të zhvilluar fazën përgatitore dimërore.

Të gjithë adhuruesit e futbollit janë ndeshur me panorama nga më të ndryshmet të stadiumeve apo fushave sportive në mbarë botën.