Manchester City luan “tenis” me Chelsea-n, Liverpooli zbret i dyti

10/02/2019 - 21:22

Uragani” Manchester City shktatërron 6-0 Chelsea-n në “Etihat Stadium” dhe i merr vendin e parë Liverpoolit, edhe pse me pikë ta barabarta, 65, por me një ndeshje më shumë të luajtur për ekipin e Jurgen Klopp. Një disfatë e rëndë kjo për blutë e Londrës, që në asnjë moment nuk arritën të futeshin në lojë pas atij starti shokues, teksa pësuan 4 gola brenda 25 minutave të para të takimit.

I papërmbajtshëm argjentinasi Sergio Aguero, që realizoi tregolësh, duke rrëmbyer topin e ndeshjes, ndërsa finalizimet e Sterling (dygolësh) dhe Gundogan kompletuan rezultatin tenistik 6-0 ndaj ekipit të Sarrit.Në fakt, golin e parë, që zhbllokoi takimin, e shënoi Sterling që në minutën e katërt, ndërsa meritoi më pas ovacionet e publikut sulmuesi argjentinas, fillimisht me një perlë nga jashtë zonës e më pas duke përfituar nga gabimi i mbrojtjes në kthimit e topit për golin e 3-0.

Në të 25-ën i erdhi radha turko-gjermanit Gundogan me një goditje të befasishme nga jashtë zonës, ndërsa në pjesën e dytë Aguero sigloi të tretin personal me 11-metërsh. Goli i fundit i sfidës mban firmën e Sterling në të 80-ën Kun Agüero me golat e shënuar ndaj Chelsea-t bëhet pjesë e klubit të legjendave (i gjashti) që kanë realizuar 200 a më shumë gola në Premier League vetëm me një skuadër, ku janë gjithashtu emra të mëdhenj si: Wayne Rooney (Man Utd), Ryan Giggs (Man Utd), Thierry Henry (Arsenal), Frank Lampard (Chelsea) dhe Steven Gerrard (Liverpool).Chelsea me këtë disfatë humb edhe vendin e katërt, që iu rrëmbye nga Manchester United pas suksesit 0-3 ndaj Fulhamit.Fitore arriti edhe Tottenhami, që iu imponua me rezultatin 3-1 Leicester City-t. 

/portali DurresLajm/

Na bëni like në facebook!: 

Lajme nga e njëjta kategori

Teuta është pushim këtë javë, pasi në program ka takimin me Kamzën e përjashtuar nga kampionati.

Ish-mbrojtësi i Interit, Marko Materaci mori pjesë në një event marketingu lidhur me Champions Ligën në Tiranë.

Projekti i Realit 2019-2020 po merr formë dhe trajneri Zidan po e udhëheq vetë planin e rindërtimit të skuadrës.

Tajneri që eliminoi “Zonjën e Vjetër” nga Champions-i jeton në një apartament të vogël mbi një supermarket në qytetin e Amsterdamit.

Teuta është fituese e Superkupës së Shqipërisë në basketboll për meshkuj.

Për herë të parë në vitet e fundit kampionati shqiptar mund të mbyllë llogaritë kryesore shumë javë përpara fundit, duke nisur që nga xhi

Teuta vijon përgatitjet. Në sytë e futbollistëve, por edhe stafit teknik shihej qartë zhgënjimi pas disfatës së fundit në kampionat.

Edoardo Reja nuk premtoi objektiva madhorë në prezantimin e tij si trajner i kombëtares shqiptare por megjithatë ish-tekniku i Napolit dh

Komisioni i Disiplinës ka publikuar sot vendimet mbi shkeljet që kanë ndodhur në fushat e futbollit.