Martinez: E kemi studiuar Teutën, nesër pres një ndeshje interesante (VIDEO)

16/09/2020 - 19:06

Teuta do të përballet me spanjollët e Granadës nesër pasdite në “Niko Dovana”, në sfidën e vlefshme për turin e dytë eliminator të Europa Leagues, ndërsa tekniku Diego Martinez doli sot në konferencën e zakonshme për shtyp nga qyteti i Durrësit.

Cila është përshtypja e parë e juaja për Shqipërinë, duke qenë se vini për herë të parë këtu?

Kemi vetëm pak kohë që kemi ardhur, por udhëtimi shkoi shumë mirë dhe hoteli e mikpritja kanë qenë shumë të mira. Shpresoj të na shkojë mirë edhe në ndeshjen nesër.

Teuta është një kundërshtar i panjohur për Granadën…

Dimë shumë pak, por kemi mësuar që ka eliminuar një kundërshtar izraelit dhe ka fituar edhe Superkupën së fundi. Me kalimin e kohës kemi bërë një analizë shumë të imtësishme të kundërshtarit dhe kemi parë që po kalon një periudhë mjaft të mirë.

Si e vlerësoni Teutën?

Është një ekip që ka mbrojtje shumë të mirë dhe shfrytëzon shumë mirë lojtarët, por nuk dua të them më shumë detaje. Më ka bërë përshtypje që kanë shumë rezistencë, mbrohen me forca të shumta dhe dinë të dalin shpejt në kundërsulm.

Granada është një skuadër që e aplikon në mënyrë perfekte kundërsulmin, por këtë herë do t’i duhet të bëjë protagonisten në fushë…

Granada është një ekip që adaptohet shumë mirë ndaj kundërshtarit që ka përballë dhe të njëjtën gjë do të bëjmë edhe nesër. Presim të bëjmë një ndeshje të mirë dhe të marrim kualifikimin.

Mes dy skuadrave ka disnivel, por Granada ka arritur të fitojë edhe ndaj Barcelonës. A i druheni faktit që një gjë të tillë mund të bëjë edhe Teuta nesër ndaj Granadës?

Mentaliteti i ekipit të Granadaës është që të përballojnë sfidat të bashkuar, si një skuadër e vërtetë dhe të njëjtën frymë kam vënë re që ka edhe ekipi i Teutës, ndaj do të jetë një ndeshje interesante.

Çfarë rëndësie ka Europa League për Granadën?

Është një moment historik dhe një privilegj për ne të tjerët, duke filluar nga unë. Është si një ëndërr për ne, pjesëmarrja në këtë kompeticion.

Çfarë ndeshjeje prisni nesër?

Është një moment unik për Granadën dhe duam të ecim sa më shumë, ndonëse presim që kundërshtari të jetë goxha i fortë dhe kam parashikuar një ndeshje interesante.

/portali DurresLajm/

Video: 
Na bëni like në facebook!: 

Lajme nga e njëjta kategori

Dy muaj pasi përfundoi dënimin në Paraguaj, Ronaldinjo është infektuar me COVID-19.

Një hap tjetër në historinë e Formula 1 për Lewis Hamilton. Me fitoren në Portugali britaniku koleksionon fitoren e 92-te duke kaluar edh

Khabib Nurmagomedov siguroi një fitore mahnitëse ndaj Justin Gaethje në duelin kryesor të UFC 25, me luftëtarin amerikan që u dorëzua në

Italia do i rikthehet ndeshjeve të futbollit pa tifozë.

Cristiano Ronaldo vijon t’i mungojë fushave të futbollit për shkak se vijon të jetë i infektuar me COVID-19.

Pasi njoftoi tërheqjen nga futbolli i luajtur, Daniele De Rossi ka vendosur t’i futet rrugës së trajningut dhe po vijon të studiojë e të

Aventura e Blerim Xhemajlit në Kinë përfundon pa nisur, ose më sakëtsisht pas 8 muajsh të çuar dëm.

Pas vendimit drastik për mbylljen e stadiumeve, për shkak të pandemisë, tifozët holandezë, kishin gjetur një mënyrë tjetër komode për t’i

Futbollisti i Teutës, Fabian Beqja u detyrua t’i nënshtrohej ndërhyrjes kirurgjikale pasi pësoi një dëmtim.

Me Zhoze Murinjon nuk ka rrugë të mesme, ose e dashuron, ose e urren. Kjo vlen edhe për lojtarët që kanë punuar me të.