“Më pëlqen krahasimi me Iniestën, por unë jam thjesht Sensi”, lideri i ri zikaltër: Tani nis malorja

15/09/2019 - 22:24

Stefano Sensi, njeriu i ndeshjes për Interin kundër Udinezes, konfirmon momentin e tij magjik, por edhe hierarkinë e të qenit për momentin lideri i formacionit të Kontes. Pas golit trepikësh me friulanët, i cili garanton edhe kreun solitar, blerja 25-milioneuroshe kujtojmë që shënoi gjithashtu në sfidën e parë kundër Leçes, por në të njëjtën kohë fitoi penalltinë me Kaljarin, e cila garantoi suksesin 2-1.Të gjitha këto e bëjnë normal lumin e komplimenteve për “xhuxhin” zikaltër.

“Jam i lumtur për golin, sepse është gjithmonë një emocion unik, kur e shënon përballë tifozëve të tu. Goli që realizova ishte diçka e përgatitur në stërvitje, por flas për lëvizjen që duhet të bëjmë në zonë, prandaj është edhe meritë e trajnerit Konte për tri pikët.Gjithsesi, duke lënë mënjanë anët pozitive të ndeshjes, duhet thënë gjithashtu që takime të tilla bëhen gjithmonë e më të vështira me kalimin e minutave. Prandaj, kur kemi në favor avantazhin, por edhe superioritetin numerik, duhet t’i mbyllim sa më shpejt, ndryshe rrezikojmë të dëmtojmë veten.Tani duhet thjesht të shijojmë këtë sukses të radhës, pasi e meritojmë, ndonëse nga sot nis sërish puna, pasi në mesjavë fillon Champions-i. Edhe në Europë do ta nisim në ‘San Siro’ dhe duam që të jetë një tjetër natë e madhe përballë Slavias. Shkurt, nga e marta e në vazhdim nis sezoni i vërtetë dhe  malorja e fortë për ne, prandaj ta largojmë euforinë nga vetja”.

Në fund, lidhur me krahasimin që e përndjek prej vitesh, si “Iniesta i ri”, duke qenë se në të kaluarën ka qenë pranë, por ka refuzuar Barcelonën, Stefano Sensi i ka idetë e qartë edhe në këtë aspekt: “Falënderoj tifozët dhe këdo për krahasimin me Iniestën, pasi ky është pa dyshim një kompliment i madh, një stimul më shumë, ndonëse unë kam qenë, jam dhe do të jem thjesht Stefano Sensi. Me këtë emër dua të shkruaj historinë time tek Interi”.

/portali DurresLajm/

Na bëni like në facebook!: 

Lajme nga e njëjta kategori

Erjon Beu është nga ata durrsakë që kur dëgjon për arritjet dhe sukseset e tyre jashtë vendit, bën të ndjehet krenar çdo bashkatdhetar.

Dalja e Britanisë së Madhe nga Bashkimi Europian po afron dhe pasojat e saj do t’i ndjejë edhe futbolli.

Gabriel Barbosa prej janarit të këtij viti, luani huazuar nga Interi te klubi brazilian i Flamengos.

Marash Kumbulla është një nga realitetet më të bukura të Serisë A dhe sigurisht që duke parë shpërthimin e talentit shqiptar, edhe klubi

Shqipëri-Francë do të jetë ndeshja e parë zyrtare dhe inauguruese në stadiumin më të ri në vendin tonë, në “Arenën Kombëtare” të kryeqyte

Sherif Kallaku vazhdon të tregohet gjithnjë e më shumë vendimtar me fanellën e Teutës, duke shënuar gola të rëndësishëm për durrsakët.

Mesfushori i Teutës, Arbër Çyrbja, shkëlqeu në ndeshjen e djeshme, ndërsa i mungoi vetëm goli.

Mund të humbasësh, por fiton përgëzimet e presidentit, si në rastin e ekipit të Flamurtarit, që u duartrokit në fund të ndeshjes nga Sina

I kënaqur për pikët por edhe për lojën që zhvilloi skuadra e tij në pjesën e dytë.

Teuta bën detyrën, mposht 1-0 Flamurtarin e vendit të fundit në Elbasan Arena dhe ngjitet përkohësisht e vetme në krye të Kategorisë Supe