“Më vjen turp që fitoj kaq shumë miliona”, Bufon: Zgjodha Serinë B kundrejt… ‘Topit të Artë’

06/12/2019 - 20:09

Vendimi për të qëndruar në Serinë B me Juven? Në një botë të mbushur me fjalë, ai ishte rasti për t’u dhënë një sinjal të fortë fëmijëve që kultivojnë që në vegjëli pasionin për futbollin”. Xhanluixhi Bufon, portieri i Juvenusit, ka folur në skenën e eventit “Trofeu Anjeli 2019”, në të cilin pasi u vlerësua u ndal të kujtonte edhe disa momente kulminante të karrierës. “Në vitin 2006, menjëherë pasi kisha fituar edhe Botërorin, më erdhi vetiu të jepja një sinjal të fortë dhe të isha i pari që të hiqja dorë nga diçka e rëndësishme.

Në atë moment vërtet po hiqja dorë nga gjëra, që mund të mos më ktheheshin më mbrapsht në karrierë. Isha 28 vjeç, në pikën më të fortë të karrierës. Të gjitha fotot më pasqyronin me Kupën e Botës në duar dhe isha në garë për ‘Topin e Artë’. Dhe nëse do të kisha zgjedhur çdo klub tjetër të madh në botë, cilindo, mund ta kisha fituar. Por papritur, në kokë më kalonte vetëm një mendim: isha i bindur se duke qenë zemërgjerë kundrejt të tjerëve, jeta do të më kishte kthyer mbrapsht gjithçka. Dhe sot, nëse vazhdoj të jem pjesë e Juves dhe e futbollit, ndonëse 42 vjeç, është vetëm falë asaj zgjedhjeje që bëra 14 vite më parë”.

“Duke u rikthyer te të rinjtë, portieri i Juves vazhdon. “Disa javë më parë shkova për të bërë një reklamë. Së bashku me mua ishin çiklisti Ivan Baso dhe dy basketbollistë italianë. I shihja dhe mendoja: ndihem në siklet, gati më vjen turp përse në Itali ka aq shumë sportistë të tjerë, që edhe pse kanë fituar sa mua në sportin që kanë përfaqësuar Italinë, madje edhe medalje të arta të papërsëritshme, nuk kanë pasur fatin që të jenë aq të famshëm, apo të kenë fituar aq shumë miliona euro sa unë. Ky fakt më lë një shije të keqe brenda meje, sepse sporti duhet të përfaqësojë një meritokraci të barabartë, qoftë edhe financiarisht”, përfundoi Xhixhi Bufon.

/portali DurresLajm/

Na bëni like në facebook!: 

Lajme nga e njëjta kategori

Dy muaj pasi përfundoi dënimin në Paraguaj, Ronaldinjo është infektuar me COVID-19.

Një hap tjetër në historinë e Formula 1 për Lewis Hamilton. Me fitoren në Portugali britaniku koleksionon fitoren e 92-te duke kaluar edh

Khabib Nurmagomedov siguroi një fitore mahnitëse ndaj Justin Gaethje në duelin kryesor të UFC 25, me luftëtarin amerikan që u dorëzua në

Italia do i rikthehet ndeshjeve të futbollit pa tifozë.

Cristiano Ronaldo vijon t’i mungojë fushave të futbollit për shkak se vijon të jetë i infektuar me COVID-19.

Pasi njoftoi tërheqjen nga futbolli i luajtur, Daniele De Rossi ka vendosur t’i futet rrugës së trajningut dhe po vijon të studiojë e të

Aventura e Blerim Xhemajlit në Kinë përfundon pa nisur, ose më sakëtsisht pas 8 muajsh të çuar dëm.

Pas vendimit drastik për mbylljen e stadiumeve, për shkak të pandemisë, tifozët holandezë, kishin gjetur një mënyrë tjetër komode për t’i

Futbollisti i Teutës, Fabian Beqja u detyrua t’i nënshtrohej ndërhyrjes kirurgjikale pasi pësoi një dëmtim.

Me Zhoze Murinjon nuk ka rrugë të mesme, ose e dashuron, ose e urren. Kjo vlen edhe për lojtarët që kanë punuar me të.