Pogba, më i paguari në Serinë A

03/11/2014 - 15:22

DURRËS, 3 nëntor 2014-  Është Paul Pogba mbreti i Serisë A italiane. E përditshmja “La Stampa” bëri të ditura shifrat që do të përfitojë mesfushori francez nga kontrata e re që nënshkroi vetëm pak ditë më parë me Juventusin deri në verën e vitit 2019. Pogba, i cili përfitonte 1,5 milionë Euro në sezon nga kontrata e mëparshme tashmë do të derdhë në xhepin e tij plot 4,5 milionë Euro, tre herë më shumë sesa përfitonte nga marrëveshja që kishte nënshkruar fillimisht, por falë edhe bonuseve që janë përfshirë në kontratën e re të 21-vjecarit me Juventusin, shuma që mund të derdhë Pogba në llogarinë e tij bankare mund të kapë shifrën e 6,5 milionë Eurove në sezon, duke e shndërruar kështu atë në lojtarin me pagën më të lartë në të gjithë Serinë A italiane. Paraqitjet e Pogba kanë mahnitur jo pak drejtuesit e klubit bardhezi të cilët nuk janë menduar dy herë për t’i ofruar atij një kontratë të re në mënyrë që të largonin sirenat që kishin lëshuar skuadrat më të mëdha europiane për të marrë shërbimet e talentit francez. Zonja e Vjetër nuk dëshiron të humbasë një lojtar për të cilin edhe pse nuk shpenzoi asnjë Euro për ta marrë nga Manchester United në 2012-n, tani është kthyer absolutisht në liderin e mesfushës së klubit torinez. Një superofertë e Chelsea-it, Realit të Madridit, Paris Saint Germainit apo edhe Manchester City-it me shumë mundësi mund të vërë në mendime edhe drejtuesit e Juventusit, megjithatë fakti që bardhezinjtë ja kanë plotësuar të gjitha kushtet 21-vjecarit do të thotë që Pogba me pagën e re që fiton tani, nuk ka asnjë arsye për t’u larguar nga Juventus Stadium.

 

/portali DurresLajm/

Na bëni like në facebook!: 

Lajme nga e njëjta kategori

Liverpool ka treguar forcën e kampionit duke fituar 0-2 në Stamford Bridge ndaj Chelsea-s me dy gola të Mane.

Kampionati italian i futbollit hapi dje siparin e sezonit e ri 2020-2021.

Përveç politikës edhe sporti është futur në ngërç në Shqipëri.

Tetë futbollistë të rinj ganezë kanë humbur jetën pas një aksidenti të ndodhur të shtunën.

Ekipet kosovare, të ndikuara edhe nga vështirësitë për të lëvizur jashtë rajonit tonë kanë zgjedhur kryesisht Durrësin për të zhvilluar p

Bojkoti i kampionatit nga presidentët e Kategorisë Superiore ka marrë jehonë ndërkombëtare tashmë.

Luis Suarez zbarkoi ditën e enjte në Peruxha për t’iu nënshtruar (dhe kaluar) testeve për të marrë pasaportën italiane në mënyrë që më pa

Transferimi më i ri i Romës, Marash Kumbulla e ka pranuar se ka studiuar dhe ka mësuar nga Kris Smolling sezonin e kaluar.

Nejmar ka nënshkruar marrëveshje me vlerë 25 milionë euro në vit me sponsorin e ri "PUMA".

Teuta nuk e ka fshehur ambicien për të qenë pretendente për titull sezonin që vjen.