Psikiatër për Balotelin, Ouen: Po lodheni kot

01/11/2014 - 18:45

DURRËS, 1 nëntor 2014-  Në një tarracë hoteli në Rio de Zhaneiro, Fabio Kapelos i kërkuan opinionin e tij për Kombëtaren italiane. Atëherë trajner i Anglisë, ai tundi kokën përpara se të shprehte keqardhjen që talenti më i madh i tyre ishte një person kaq problematik. Kapelo e komentoi si një tragjedi kombëtare, si diçka që do minonte shanset e Italisë për të qenë të suksesshëm 3 vite më vonë në Brazil. “Super-Mario” ishte 21 vjeç atëherë dhe ende shumë i ri kur Murinjo e skarcoi gjithashtu. Sulmuesi me talent të çmuar, ishte i pamenaxhueshëm edhe për portugezin tek Interi. “Unë nuk kam nevojë ta mbroj Balotelin. Ai është shumë mirë. Nuk ka asnjë problem dhe mos më pyesni sërish për të”. Me këtë ton u është përgjigjur pyetjeve për sulmuesin italian, trajneri i Liverpulit Brendën Roxhers një ditë më parë. Gjatë konferencës për shtyp përpara ndeshjes me Njukasëllin, tekniku tha se klubi nuk është aspak në presion nga statistikat e 24-vjeçarit në “Anfield”, i cili ka shënuar vetëm 2 gola (kundër Ludogoretsit në Champions dhe ndaj Suonsit në kupë), por ende në Premier Ligë. Roxhers nuk e pranon përpara mediave se nënkampionët nuk janë të kënaqur nga forma nga ish-sulmuesit të Milanit, por stafi i tij po bën të pamundurën për të mos e humbur bastin me lojtarin që kushtoi 16 milionë paund. Kanë kaluar 3 vite që atëherë, por duket sikur koha ka mbetur në vend. Prandaj Roxhers dëshiron që Mario të punojë me psikiatrin Stiv Piters me shpresën që ai të shndërrohet në lojtarin që ai shpreson të ketë. Doktori nuk bën mrekulli, por psikiatri më i njohur sportiv në Angli është shansi i fundit për t’i dhënë atletit vetëbesimin që ai të rikthehet te golat, pastaj pjesa tjetër i mbetet sportistit. Legjenda Majkëll Ouen nuk beson se edhe kjo përpjekje do të ketë sukses: “Nuk është një lojtar klasi dhe nuk do ta zëvendësojë kurrë Suarezin. Uruguaiani është i një tjetër kalibri. Marion nuk e shoh as titullar në ‘Anfield’. Roxhers duhet të jetë duke menduar për ta zëvendësuar që tani”, shkruante “Topi i Artë” 2001 për “Telegraph”.

 

/portali DurresLajm/

Na bëni like në facebook!: 

Lajme nga e njëjta kategori

Liverpool ka treguar forcën e kampionit duke fituar 0-2 në Stamford Bridge ndaj Chelsea-s me dy gola të Mane.

Kampionati italian i futbollit hapi dje siparin e sezonit e ri 2020-2021.

Përveç politikës edhe sporti është futur në ngërç në Shqipëri.

Tetë futbollistë të rinj ganezë kanë humbur jetën pas një aksidenti të ndodhur të shtunën.

Ekipet kosovare, të ndikuara edhe nga vështirësitë për të lëvizur jashtë rajonit tonë kanë zgjedhur kryesisht Durrësin për të zhvilluar p

Bojkoti i kampionatit nga presidentët e Kategorisë Superiore ka marrë jehonë ndërkombëtare tashmë.

Luis Suarez zbarkoi ditën e enjte në Peruxha për t’iu nënshtruar (dhe kaluar) testeve për të marrë pasaportën italiane në mënyrë që më pa

Transferimi më i ri i Romës, Marash Kumbulla e ka pranuar se ka studiuar dhe ka mësuar nga Kris Smolling sezonin e kaluar.

Nejmar ka nënshkruar marrëveshje me vlerë 25 milionë euro në vit me sponsorin e ri "PUMA".

Teuta nuk e ka fshehur ambicien për të qenë pretendente për titull sezonin që vjen.