FIFA ka publikuar ditën e sotme, renditjen e re për ekipet kombëtare, pas ndeshjeve të zhvilluara gjatë fillimit të shtator.Shqipëria gjendet në vendin e 64-t, me 1372 pikë, 10 më shumë se sa kishte në renditjen e kaluar, ndërkohë pozicioni mbetet i njëjtë, duke mos ndryshuar asnjë vend.
Paraqitjet mjaft të mira për Kosovën, duket se janë shpërblyer, dhe “dardanët” janë ngjitur një pozicion më sipër, dhe tani e shohin veten në vendin e 119-të të renditjes botërore, një pozicion rekord ky për Kosovën. Ekipi që drejtohet nga Shaland, tani numëron 1164 pikë, nga 1149 që numëronte në renditjen paraardhëse.
Sa i përket vendeve të kreut, është ende Belgjika që kryeson renditjen botërore, me 1752 pikë. Franca ka ngjitur një pozicion, dhe tani është e dyta, pas fitoreve me Shqipërinë dhe Andorrën. Zbret në vendin e tretë ndërkohë, Brazili. Anglia mban vendin e katërt, ndërsa në vendin e pestë ngjitet Portugalia.
Top 10-shja, vazhdon me ekipe si Uruguai, Spanja, Kroacia, Kolumbi dhe Argjentina.
