Rrëfimi prekës i Abidal: Doja t’i inkurajoja, por Messi refuzoi

12/01/2018 - 16:56

Eric Abidal ngriti trofeun e Champions League të vitit 2011, madje edhe me shiritin e kapitenit vetëm për atë ndeshje, pasi ishte rikthyer nga operacioni i parë kundër tumorit në mëlçi. Një moment që përloti shumë futbolldashës dhe ndoshta mund të konsiderohet si një nga fotot më të bukura të futbollit të viteve të fundit.

Megjithatë, pas triumfit në fushë dhe fitores së parë ndaj sëmundjes, mbrojtësi i majtë francez u desh të luftonte sërish, derisa më në fund bëri transplantin e mëlçisë një vit më vonë.

E gjithë kjo histori vuajtjesh dhe triumfi është rikthyer sërish në qendër të vëmendjes nga vet lojtari, i cili ka rikujtuar gjithçka gjatë një interviste të dhënë për "Canal Plus" me ish-shokun e tij të Kombëtares franceze, Olivier Dacourt.

Muaj gjatë të cilave, siç shprehet ai, u kthye në një "kufomë që ecte". Dy ishin episodet që ranë më shumë në sy gjatë intervistës.

Një herë i kishte dërguar një video inkurajimi shokëve të skuadrës katalanase, por reagimi i tyre e bëri të kuptonte realisht kushtet në të cilat po jetonte, mes jetës dhe vdekjes.

"Disa prej shokëve më kanë parë teksa isha dobësuar shumë. Regjistrova një video përpara një ndeshjeje të rëndësishme, për t’iu thënë që të mos shqetësoheshin për mua, sepse ishte njësoj si të isha atje me ata. E dini se si m’u përgjigj Messi? Të mos u dërgoja më video të atilla, sepse do t’u kisha shkaktuar efektin e kundërt", rrëfen Eric Abidal.

"Mendoja se do të kishte një efekt pozitiv, kështu që u shkruajta forca djema. Por ata më shihnin asokohe si një kufomë që ecte, e kjo i trishtonte shumë", thotë më tej Abidal.

Më pas tregoi mes emocioneve të mëdha edhe për vizitën e Henry që i kishte bërë në New York."Kur e pashë në fund të korridorit nisa të qaja si fëmijë. Nuk doja që të më shihte në atë gjendje, por m’u bë shumë qejfi që erdhi të më takonte", shprehet Abidal.

Sa i përket periudhës së dhimbshme, tregon: "Kisha një dhimbje të tmerrshme, që nuk e kisha ndierë kurrë në jetë. Ishte e padurueshme, si një thikë që ngulej ngadalë në një plagë të hapur. Madje, kur mjeku më thoshte se do t’i nënshtrohesha një tjetër operacioni, mund të duket e çuditshme, por gëzohesha", mbyll intervistën Abidal.

/portali DurresLajm/

Na bëni like në facebook!: 

Lajme nga e njëjta kategori

Teuta i shkaktoi humbjen e parë Laçit në këtë sezon të Superiores dhe mori fitoren e dytë radhazi, ndërsa trajneri Blendi Shkëmbi nuk e f

Manchester United kishte përmbysur rezultatin dhe po fitonte 1-2 në fushën e Chelsea, por në minutën e 6 shtesë të ndeshjes, Ross Barkley

Gerhard Progni u zgjodh lojtari më i mirë i ndeshjes Laçi-Teuta, teksa asistoi për golin e parë dhe shënoi golin e dytë.

Real Madrid ka humbur në “Santiago Bernabeu” me Levanten, duke u zhytur edhe më thellë në krizë.

Serbia është shpallur kampione e botës në volejboll për femra, pas fitores dramatike që arriti ndaj Italisë në finale me rezultatin 3-2 (

Teuta arriti një fitore shumë të rëndësishme, duke triumfuar përballë Laçit me rezultatin 0-3.

Real Madrid nuk di të fitojë më.

Derbi i Milanos mbetet një sfidë e veçantë për të gjithë futbollistët kuqezi, veçanërisht për spanjollin Suso.

Pasi fitoi gjithçka në atletikë dhe vendosi edhe rekordin botëror në garën e 100 metrave, atleti xhamajkan Usain Bolt është përkushtuar t

Pas gjobës së majme nga klubi dhe pasi rrezikon 12 vite burg për një sherr në lokal, Arda Turan gjendet përballë një telashi tjetër.