Teuta mposhtet nga Laci, Shkodra në lot, goleada nuk i mjafton

23/05/2018 - 20:07

   Bie Vllaznia, shpëton Kamza ndërsa Luftëtari dhe Laçi sigurojnë kualifikimin në Europa League. Ishin këto verdiktet e javës së fundit të Kategorisë Superiore për edicionin 2017-2018. Fitorja me goleadë në Korçë përballë Skënderbeut me shumë mungesa dhe me mendjen te festa e titullit por edhe te finalja e Kupës, nuk i vlejti aspak Vllaznisë që u rrëzua zyrtarisht një kategori më poshtë. Për herë të tretë në historinë, klubi më i vjetër i futbollit shqiptar do të luajë në një kategori inferiore.

Rënia e Vllaznisë erdhi si pasojë e fitores së Kamzës që me një gol të Rezit në minutat e para të pjesës së dytë triumfoi 1-0 brenda në Selman Stërmasi ndaj Partizanit duke ruajtur avantazhin prej 2 pikësh ndaj kuqebluve në renditje.Vllaznia në krahun tjetër dominoi Skënderbeun në Korçë duke realizuar 4 herë në portën e Aldo Teqjas për një sukses me shifrat 5-1, me gola të Xhevahir Sukajt me penallti, Arlind Kalaja-s, 2 golësh të Eraldo Cinarit dhe finalizimin e Renato Malotës. Golin e vetëm për Skënderbeun e realizoi Nazmi Gripshi.

Bëri detyrën Luftëtari që falë suksesit 1-2 në Lushnjë e mbylli zyrtarisht kampionatin në vendin e 3-të, duke siguruar kualifikimin historik në Europa League për herë të parë në historinë e klubit. Autogoli i Alushit dhe goli i Shkurtajt ishin mëse të mjaftueshëm për gjirokastritët.Bëri detyrën edhe Laçi që në shtëpi mposhti 4-2 Teutën duke blinduar pjesëmarrjen në Europë, me vendin e 4-ët, ndërkohë që Partizani e mbylli i 5-ti dhe do të presë të mësojë se çfarë vendimi do të japë UEFA për Skënderbeun, nëse të kuqtë do të luajnë ose jo në Europë sezonin e ardhshëm.

Reginaldo, Jonuzi dhe Uzuni që realizoi dy herë ishin autorët e golave për Laçin ndërsa për Teutën barazoi përkohësisht shifrat Peqini ndërsa golin e dytë e realizoi Hila. Sfida me më pak interes në këtë javë të fundit të Superiores ishte ajo që u zhvillua në Zeqir Ymeri mes Kukësit dhe Flamurtarit. Përfundoi 2-2 me Sindrit Gurin që e mbylli me një gol aventurën e tij te Kukësi por pa mundur dot të shpallet golashënuesi më i mirë i këtij sezoni pasi Këpuca e Artë shkoi për Ali Soëe të Skënderbeut autori i 21 golave.

/portali DurresLajm/

Na bëni like në facebook!: 

Lajme nga e njëjta kategori

Vetëm një pandemi globale si Covid-19 mund të largonte vëmendjen nga futbolli por dhe në këtë kohë krize gjithëpërfshirëse për futboll vi

Të flitet për sport në këto momente është shumë e vështirë në çdo vend të botës aq më tepër në Itali ku lufta me koronavirusin në javët e

Pjesa më e madhe e kampionateve në Europë janë pezulluar për shkak të koronavirusit.

200 mijë euro vetëm e vetëm për t'u kthyer në vendlindjen e tij.

Lajm tronditës për futbollin spanjoll dhe të gjithë botën e futbollit.

Për një futbollist është shumë e vështirë të qëndrojë i ngujuar në shtëpi, pa e parë për ditë të tëra fushë.

Koronavirusi po ridizenjon futbollin me shumë klube që tashmë janë në krizë financiare.

Zërat për një largim të mundshëm të Manuel Neuer nga Bayern Munich në merkaton e kësaj vere shtohen gjithnjë e më shumë, kjo për faktin s

Ish-futbollisti i Njukastëll, Nolberto Solano është arrestuar nga policia në Peru, duke mos respektuar orarin e vendosur  nga shteti në p