Transferimi i Myftarit, 10 mijë dollarë për Teutën

18/04/2012 - 00:00

 

Aftësisë e mira para rrjetës të Xhulio Myftarit kanë tërhequr vëmendjen e një ekipi arab. 17-vjeçarit i është akorduar një kontratë 5-vjeçare për të udhëtuar drejt Katarit. Nëse gjithçka mbyllet me sukses klubi shumësportësh Teuta do të përfitojë 10 mijë dollarë. Kjo do të ishte hera e parë që realizohet në gjë e tillë në volejbollin durrsak

Kur Teuta në volejboll për meshkuj, është në kulmin e përpjekjeve për përfundimin me sukses të sezonit, nga fundi i muajit mars asaj iu largua një nga talentet më të spikatura. Ai është volejbollisti Xhulio Myftari. I datëlindjes 13 mars 1995.

Gjatësia e tij është 2 metra. Peshon 87 kilogram. Shkalla e kërcyeshmërisë është tejet pikante: kur gjuan kërcimi i tij shkon në 345 centimetra, ndërsa me dy duar kur bllokon shifrat janë 258 centimetra. Ndonëse 17 vjeçar, prej dy vitesh është pjesëtar i ekipit përfaqësues të 18–vjeçarëve të Shqipërisë.

Trajneri maqedonas i Teutës, Hari Nakovski, e vendosi Myftarin në 6-shen e parë të përfaqësimit, duke folur për të me superlativa. Xhulio Myftari është aktiv në pozicionin 3. Në një nga ndeshjet e kampionatit shqiptar, ai ra në sy të menaxherëve maqedonas. Është dashur ndërhyrja e menaxherit Zarko Ristovski, që Myftari t’i nënshtrohej testit të provës në shtetin e fuqishëm naftëmbajtës në gadishullin arabik, Katarit.

Në Durrës janë optimistë ndaj kësaj dukurie, të pandodhur kurrë ndonjëherë në historinë e volejbollit durrsak. Mbi të gjitha për të ardhmen e këtij djaloshi, me perspektivë të qartë në sportin e rrjetës. Sekretari i klubit shumësportesh Teuta Emiliano Jani, na njeh edhe me një projekt kontratë ku zbërthehet me imtësi nëpërmjet 16 neneve, mënyra se si do të trajtohet Xhulio Myftari në klubin sportiv të Katarit.

Tri shifra tërheqin vëmendjen. E para kontrata mendohet të jetë 5 vjeçare, duke filluar nga 1 tetori 2012 e mbaruar me 30 shtator 2017. Paga mujore e volejbollistit është 1200 dollarë në muaj, në fazën fillestare të kontratës ndërsa më pas do të ketë rritje të konsiderueshme me bonuset përkatëse.

Veç kësaj akomodimi duke nisur nga ushqimi, hoteli e më tej komunikimi telefonik, rrugëtimet për në Shqipëri etj. janë të paguara nga klubi i Katarit. Për këtë kalim, klubi shumësportesh Teuta përfiton shumën prej 10 mijë dollarësh. Kontrata pritet të firmoset nga përfaqësuesi arab i klubit Abdulla H. Almulla dhe volejbollisti Xhulio Myftari.

Durrsaku i rrjetës aktualisht është nën kontroll mjekësor. Nga fundi i muajit prill do të nisë stërvitjet në drejtimin e specialistëve të huaj, që janë në kontratë me klubin e Katarit. Ky është një lajm i mirë, që mund të shërbejë si nxitje për të tjerë talente të rrjetës durrsake.

/portali DurresLajm/

Na bëni like në facebook!: 

Lajme nga e njëjta kategori

Ëndrra për Euro 2020 vazhdon. Kjo ëndërr për Kosovën u mbajt gjallë sot nga fitorja me rezultatin 2 me 0 kundër Malit të Zi.

Shqipëria kalon në avantazh ndaj Moldavisë në minutën e 22-të me një gol të shënuar nga Cikalleshi.

Sulmuesi Sokol Cikalleshi ka shkundur rrjetën e kundërshtarëve duke shënuar golin e parë për sfidën ndaj Moldavisë.

Ditën e sotme, trajneri i kombëtares U-21, Alban Bushi ka dalë në një konferencë për shtyp për të folur në prag të ndeshjes zyrtare kuali

E zeza mbi të bardhë në kontratë, “vendosin” që Roberto Mançini do të jetë trajneri i kombëtares italiane të paktën deri në vitin 2022, v

Shqipëria me disfatën 1-0 ndaj Turqisë humbi praktikisht mundësinë për të qenë e pranishme në Euro 2020.

Teuta ka vijuar stërvitjen, ndërsa në ndryshim nga skuadrat e tjera të Superiores, nuk ka preferuar të zhvillojë ndonjë ndeshje miqësore.

Dita e djeshme ka sjellë lajme të këqija për trajnerin e Interit Antonio Conte, pasi dy prej futbollistëve zikaltër, që janë të

Roberto Baxho nuk e ka harruar kurrë atë penallti të mallkuar.