Veseli dhe Trashi: Turqia e fortë, duhet përqëndrim (VIDEO)

09/10/2019 - 21:00

Edhe Frederic Veseli beson te një triumf i Shqipërisë të premten në mbrëmje në Stamboll ndaj Turqisë. Mbrojtësi i Empolit në Serie B, në konferencën për shtyp të kësaj të mërkure foli me superlativa për afrimet e reja në skuadër dhe sidomos për Marash Kumbullën, ndërkohë që nënvizoi se Shqipërisë i mungon një lider në skuadër, siç ishte kapiteni Lorik Cana dikur.

Skema me tre? “Kemi lojtarë që përshtaten me skemën me 3 por mund të kalojmë edhe me 4 pa problem. Është diçka që varet nga kundërshtari dhe nuk është fiks. Mund të kalojmë edhe me 4 apo 5 mbrojtës”.

Turqia? “Ka shumë rëndësi kjo ndeshje sepse e dimë që ka mundësi të bëjmë një hap shumë para nëse fitojmë. Synojmë fitoren dhe pse jo të vazhdojmë në këtë edicion dhe të bëjmë diçka pozitive. Besoj e shpresoj të mundim Turqinë si në miqësore në Antalia. Nuk duhet të kemi presion por të bëjmë lojën tonë pasi kemi mundësi të fitojmë”.

Afrimet e reja? “Sigurisht që do të na ndihmojnë pasi kanë ardhur lojtarë me shumë kualitet dhe i kemi parë në stërvitje dhe kur kanë luajtur. Janë një shenjë me perspektivë për të ardhmen dhe kur ka lojtarë të rinj shtohet konkurrenca dhe kjo është pozitive për skuadrën”.

Rivaliteti për një vend titullari? “Konkurrenca është pozitive për mua sidomos në Kombëtare ku duhet dhënë maksimumi. Mund të sigurojnë vendin e tyre në Kombëtare pasi jemi gati të japim maksimumin. Të gjithë kanë kualitet. Unë nuk kam menduar aktivizimin por vendos trajneri. Duhet një bazë dhe duhen lojtarë që japin më shumë por e vendos trajneri se kush luan. Ne jemi gati dhe të motivuar.  Atmosfera është shumë e mirë në ekip dhe të gjithë flasim me njëri-tjetrin dhe jemi të bashkuar të rinjtë me më të vjetrit. Entuziazmi nuk është siç kanë qenë para europianit ose në Europian dhe normal që tashmë bie. Atmosfera është ndryshe nga entuziazmi dhe është shumë mirë”.

Çfarë mendoni për Marash Kumbullën? “Kumbulla është shumë i mirë dhe shumë i ri. E ka treguar veten në Serinë A dhe si person është djalë i mirë e punëtor. Do të arrijë shumë lart nëse e mban këtë mentalitet. Është pozitive për Kombëtaren që një lojtar si ai, përparon aq shumë në një kampionat të atij niveli. Hysaj mungon shumë sidomos pas ndeshjes me Islandën ku edhe shënoi. Mundem të them se është lider i ekipit dhe e vuajmë mungesën e një lideri në ekip por kemi lojtarë për të mbuluar atë pozicion. Edhe unë mundem ta bëj atë pozicion por në fund vendos trajneri”.

Trashi-Bashkë me Frederic Veselin në konferencën për shtyp të kësaj të mërkure ishte i pranishëm edhe anësori i Partizanit Lorenc Trashi. Futbollisti gramshiot u shfaq shumë i kënaqur që është pjesë e këtij grumbullimi teksa shpreson të ketë minutat e tij në këtë grumbullim dhe të debutojë me kuqezinjtë.

Kombëtarja? “Është grumbullimi i tretë me Kombëtaren por më shumë jam njohur me epokën e trajnerit aktual kurse i pari ka qenë nga Panuçi por nuk mund të flas shumë pasi nuk e njoh. Trajneri Reja nuk është nevoja ta them unë kush është pasi ka qenë në ekipe të mira dhe ka atmosferë të mirë. Çunat shkojnë shumë mirë me njëri-tjetrin”.

Shanset për tu aktivizuar? “Nuk mendoj se ka pasur probleme krahu i majtë dhe lojtarët kanë formën e vet dhe ka çaluar. Jap maksimumin dhe në fund vendos trajneri se kush luan. Në javët e para e ndjej veten mirë dhe nga paraqitjet e mia jam thirrur. Shpresoj të kem minutat e mia por vendos trajneri. Çdo lojtar në kampionatin shqiptar do një eksperiencë në ekip më të fortë në Europë dhe Kombëtarja mund të më shërbejë për këtë pjesë. Shpresoj të kem minuta dhe të shoh veten se ku jam dhe të shkoj në një ekip të një niveli më të lartë”.

Lerda? “Unë nuk kam pasur probleme me trajnerin pasi ai ka qenë i pari që më ka mbështetur për Kombëtaren dhe më ka përqafuar dhe falënderuar. Çdo gjë është në rregull”.

Turqia? “Është ndeshje e fortë sepse Turqia po kalon moment të mirë. Duhet të jemi të përqendruar për të arritur objektivin dhe vetëm fitorja na jep shpresë për të menduar për më lart”.

Sugjerime nga Superiorja? “Nuk mund të flas sa mund t’i sugjeroj lojtarë trajnerit por ka shumë elementë të mirë. Pastaj, vendos trajneri pasi ka stafin e vet dhe nuk mendoj se do të stonojnë te Superiorja. Nuk besoj në pjesën që dikush në Superiore e ka merituar dhe nuk e ka marrë ftesën. Në Turqi duhet të rrimë afër dhe të jemi kompaktë duke i sulmuar në pikat e dobëta dhe 2-3 shanset që mund të kemi duhen shfrytëzuar në maksimum”.

/portali DurresLajm/

Video: 
Na bëni like në facebook!: 

Lajme nga e njëjta kategori

Teuta triumfoi me rezultatin 3-1, ndaj Vllaznisë, në ndeshjen e vlefshme për javën e 22-të të Kategorisë Superiore.

Teuta ia ka dalë të marrë tre pikët në sfidën shtëpiake ndaj Vllaznisë.

Atleti shqiptar Franko Burraj ishte pranë një arritjeje impresionuese në kampionatin ballkanik të sallave të mbyllura, por fati nuk ishte

Golat dhe numrat mbreslënës që rrethojnë Erling Braut Haaland nuk janë më suprizë.

“Neymar kthehet te Barcelona”, është ky njoftimi i shpërndarë në rrjetet sociale të klubit “blaugrana”, që sigurisht është shoqë

Barcelona iu bashkua Realit të Madridit në vendin e parë në kampionatin spanjoll të futbollit pas fitores 2-1 ndaj Getafes. Në ndeshjen k

Mançester Siti u njoh me njoftimin se do i duhet të qëndrojë jashtë Ligës së Kampionëve për dy sezonet e ardhshme.

Grumbullimi i Rei Manajt me ekipin e parë të Barcelonës nuk përbënte lajm vetëm në Spanjë, por edhe në mediat e tjera.

Skuadra serbe e Ligës së Parë, Dinamo Vranje, ka përzgjedhur Shqipërinë për të zhvilluar fazën përgatitore dimërore.

Të gjithë adhuruesit e futbollit janë ndeshur me panorama nga më të ndryshmet të stadiumeve apo fushave sportive në mbarë botën.