“Apple” mund të ulë çmimin e iPhone për këtë shkak

30/01/2019 - 13:41

Kompania gjigande “Apple” ka lënë të kuptohet se shumë shpejt “iPhone”-t do të bëhen më të përballueshëm në çmim. Në përpjekje për të rritur shitjet që nuk po kënaqin shumë, bosi i “Apple”, Tim Cook zbuluar se mund të ketë çmime më të ulët për “iPhone”-t në disa vende.

Bëhet e ditur se të ardhurat që vijnë nga “iPhone”-t e që sigurojnë edhe pjesën më të madhe të shitjeve për kompaninë, kanë rënë me 15% në tremujorin e fundit financiar. Në total, të ardhurat e firmës kanë rënë me 5% krahasuar me tre vite më parë, në rreth 84.3 miliardë dollar.

Për këtë rënie, kompania ka fajësuar edhe një ngadalësim ekonomik të Kinës. Ndërkohë shefi ekzekutiv, Tim Kuk, është shprehur se konsumatorët përballen edhe me çmimet e larta të kompanisë.

Në të njëjtën kohë, Kuk ka shtuar se gjigandi i teknologjisë ka filluar këtë muaj të rivlerësojë telefonat e tij me qëllim që të mbrojë konsumatorët nga pasojat e luhatjeve monetare.

Nga ana tjetër, “Apple” ka parashikuar që të ardhurat për tre muajt e parë të këtij viti të jenë rreth 55 deri në 59 miliardë dollar, duke pranuar sërish një rënie prej të paktën 3.4 % nga viti në vit.

/portali DurresLajm/

Na bëni like në facebook!: 

Lajme nga e njëjta kategori

Doreza të lehta që lejojnë prekjen e objekteve të botës virtuale.

Instagram vjen me një risi, e cila është duke u eksperimentuar në disa vende të botës.

Autoritetet amerikane kanë miratuar një gjobë rekord prej 5 miliardë Dollarësh për "Facebook" për shkeljen e privatësisë së të dhënave të

Është një nga aplikacionet më të njohura të mediave sociale në botë, por duket se Instagram ra këtë pasdite.

Kompania Twitter tha se do të identifikojë dhe vlerësojë postimet të cilat thyejnë rregullat, edhe nëse ato bëhen nga burime të rëndësish

Kompania e mediave sociale Facebook ka zbuluar planet për të lëshuar në qarkullim, vitin e ardhshëm, një monedhë të re digjitale, të quaj