Çfarë ndodh nëse nuk përdorni Facebook për 4 javë?

04/03/2019 - 10:37

Të heqësh dorë nga rrjeti social Facebook, edhe ta mendosh duket e vështirë, aq më tepër ta zbatosh. Megjithatë këtë sjellje e studiuan disa studiues për të parë se si reagojnë njerëzit kur në jetën e tyre mungon ky rrjet social, që gjithmonë e më tepër bëhet i dobishëm.

Studiuesit nga Universiteti i Stanford në SHBA paguan disa persona që të braktisnin Facebook për 4 javë dhe mos të kishin kontakt me këtë rrjet social. Studimi i sjelljes së njeriut në një situatë të tillë rezultoi me disa pika specifike.

Së pari, personat që heqin dorë nga Facebook, shpenzojnë më pak kohë në internet në përgjithësi. Kohën që kalonin në Facebook, e shpenzuan duke parë TV ose duke qëndruar me pjesëtarë të familjes apo miqtë e tyre.

Së dyti, ndoshta dhe më e rëndësishmja, të anketuarit zbuluan se kishin përmirësime të lehta në mirëqenien e tyre. Gjithashtu një numër i konsiderueshëm i personave që morën pjesë në këtë studim thanë se planifikojnë që të shpenzojnë më pak kohë në Facebook sapo studimi të ketë përfunduar.

Megjithatë, në tjetër pikë që vunë re studiuesit është se mospërdorimi i Facebook-ut i bën njerëzit të painformuar. Ky rrjet social përdoret gjerësisht nga mediat botërore si platformë për të shpërndarë lajmet e tyre. Pra, mund të konsiderohet një industri mediatike ku qarkullon çdo lloj lajmi dhe informacioni.

Studiuesit u shprehën se pavarësisht faktit që mospërdorimi i këtij rrjeti social ka dobi të mëdha, Facebook është një nga shërbimet më të dobishme që njerëzit kanë në përdorim. Një pikë tjetër që u vu re gjatë studimit, është fakti se njerëzit bëhen më pak të polarizuar sa më shumë që heqin dorë nga përdorimi i Facebook. 

/portali DurresLajm/

Na bëni like në facebook!: 

Lajme nga e njëjta kategori

Klientët që paguajnë rregullisht për përdorimin e Adobe Photoshop kanë kërcënuar se do hidhen në gjyq pasi përdorin versionet e vjetra.

Hakerat instaluan nga distanca një softuer të mbikëqyrjes në telefona dhe pajisje të tjera që përdornin aplikacionin e mesazheve WhatsApp

Kur njerëzit mendojnë për Inteligjencën Artificiale, me shumë mundësi mendojnë për skena nga filmat aksion, por në të vërtetë, ajo apliko

I fundit që i shtohet listës së televizorëve nga Samsung është “Sero”, i prezantuar para pak kohësh në Seul.

Whatsapp është një nga aplikacionet e mesazheve më të përdorur në botë.

Gjigandi i kërkimit, Google do të ofrojë për përdoruesit opsionin e fshirjes së historisë së kërkimit dhe vendndodhjes pas tre muajsh.

Shitjet e "iPhone" ranë në nivelin më të ulët gjatë tre muajve të parë të këtij viti.

Konferenca e përvitshme e zhvillimeve të Facebook F8 po mbahet në San Jose, Kaliforni të martën dhe të mërkurën.

Një student ka paditur kompaninë Apple Inc duke kërkuar dëmshpërblim rreth 1 miliardë dollarë, pasi pretendon se kamerat e saj e arrestua