A duhet blerë Galaxy Note 10+?

28/08/2019 - 08:53

Tashmë që Samsung Galaxy Note 10+ është zyrtarisht në shitje dhe ekspertët e teknologjisë kanë pasur mundësinë që ta shohin nga afër këtë telefon, pyetja që shtrohet është: A duhet blerë kjo pajisje e re?

Për disa mund të jetë një pyetje e vështirë, pasi teksa Galaxy Note 10+ është padyshim Galaxy Note më i mirë deri më sot dhe një prej telefonave më unikë në treg, ka disa gjëra të cilat mund të mos jenë pozitive për shumë njerëz.

Ndryshe nga çdo telefon tjetër Galaxy, Note 10+ nuk ka dalje për kufjet, që do të thotë se duhet të vareni nga kufjet e Samsung USB-C, ose të përdorni kufje me Bluetooth.

Një tjetër detaj potencialisht negativ është thjeshtë madhësia e Note 10+. Ndonëse ka praktikisht të njëjtat dimensione fizike si Galaxy Note 9, e madje është pak më i lehtë, madhësia e ekranit të Note 10+ është rritur nga 6.4 në 6.8 inç.

Kjo do të thotë se në varësi të dorës që keni, apo mënyrës sesi e mbani telefonin, mund të mos jetë fort e lehtë për ta përdorur. Kështu që nëse po mendoni për ta blerë Note 10+, duhet të jeni fansa të telefonave të mëdhenj.

Pengesa e tretë dhe më e rëndësishme është çmimi i tij, që nis me 1,100 dollarë. Duke u vendosur kështu krah iPhone XS Max, Note 10+ është një prej telefonave inteligjentë më të shtrenjtë në treg.

Por duke lënë mënjanë anët negative, Galaxy Note 10+ vjen me disa tipare të mrekullueshme.

Fillimisht, ekrani i tij është tepër mahnitës. Ka dritë, ka ngjyra dhe duke qenë se është 6.8 inç, patjetër që mund ta shijoni edhe më shumë.

Edhe performanca e Note 10 nuk ngelet pas. Ai ka çip Snapdragon 855, 12 GB RAM dhe 256 GB memorie.

Falë një baterie 3,400 mAh, Note 10+ është një prej telefonave më jetëgjatë të momentit. Nga testet e bëra, sipas asaj që shkruan e përditshmja mbi teknologjinë Gizmodo, bateria e këtij telefoni zgjat 15 orë dhe 5 minuta.

/portali DurresLajm/

Na bëni like në facebook!: 

Lajme nga e njëjta kategori

Kompania amerikane “Apple” ka njoftuar se për shkak të gjendjes së emergjencës në Kinë nga koronavirusi, të ardhurat e saj do të jenë të

Me ndërrimin e dhjetëvjeçarit edhe kompania “Samsung” ka vendosur nga modeli S10 të kalojë tek S20, një telefon që do të ndryshojë fotogr

Gjykata e rrethit Tagansky në Moskë vendosi një gjobë prej katër milion rublash (rreth 58,000 euro) ndaj Facebook dhe Twitter.

Facebook njoftoi sot se ka pezulluar rrjetin e llogarive të përdorura nga inteligjenca ushtarake ruse.

Një version i ri beta i WhatsApp jep indikacione se përdoruesit e Apple së shpejti do të jenë në gjendje të kalojnë në modalitetin e errë

Kompania ushtarake izraelite, Rafael Advanced Defense Systems, do të prezantojë në panairin 2020 Official Singapore Airshow (11-16 shkurt

Produktet e Apple në përgjithësi nuk janë të lira, pasi modele më të përballueshme si iPhone XR dhe iPhone 11 nuk janë saktësisht ato që

Bill Gates, personi i dytë më i pasur në botë, ka blerë superjahtin e së ardhmes që punon vetëm me hidrogjen të lëngshëm, çka do të thotë

Gjigandi i teknologjisë, Apple është gjobitur së fundmi 25 milionë euro për ngadalësim të qëllimshëm të modeleve të sajë të vjetra të iPh

YouTube ka arkëtuar 15 miliardë dollarë nga reklamat vitin e kaluar. Sipas të dhënave të publikuara nga Alphabet, kompania mëmë e Google,