"Facebook" akuzohet se i detyroi punëtorët të kthehen në zyrë gjatë pandemisë

19/11/2020 - 12:23

Më shumë se 200 mbikëqyrës të përmbajtjes në Facebook, nga e gjithë bota, kanë akuzuar kompaninë se i detyroi ata të ktheheshin në zyrë gjatë pandemisë, dhe kërkuan mbrojtje më të mirë të shëndetit dhe siguri.

Ata përgatitën një peticion, në të cilin thanë se Facebook “po rrezikonte pa nevojë” për të siguruar fitime. Punëtorët kërkuan që gjiganti i mediave sociale të garantojë kushte më të mira, ose t’i lejojë punëtorët të vazhdojnë punën e tyre nga shtëpia.

Në gusht, Facebook tha që personeli do të lejohej të punonte nga shtëpia deri në verën e vitit 2021. Por, kompania mbështetet në mijëra kontraktorë për t’i zbuluar postimet e padëshiruara, shkruan Rel.

“Pas disa muajsh lejimi të mbikëqyrësve të përmbajtjes për të punuar nga shtëpia, përballë një presioni të fuqishëm për të mbajtur Facebook-un pa urrejtje dhe dezinformim, ju na keni detyruar të kthehemi në zyrë”, thuhet në letrën e hapur të lëshuar nga firma Foxglove e aktivistëve ligjorë me bazë në Britani.

Facebook tha se “një shumicë” prej rreth 15,000 moderatorësh të përmbajtjes në nivel global, po punojnë nga shtëpia.

“Ne i vlerësojmë mbikëqyrësit e përmbajtjes dhe ne i japim përparësi shëndetit dhe sigurisë së tyre”, tha një zëdhënës i Facebook-ut.

Kontraktorët thanë se thirrja për t’u kthyer në zyrë kishte ardhur pasi kishin dështuar përpjekjet për t’u mbështetur më shumë në Inteligjencën Artificiale (AI) në identifikimin e përmbajtjes problematike.

“Facebook-u ka nevojë për ne. Është koha që ju ta pranoni këtë dhe të vlerësoni punën tonë. Të sakrifikojmë shëndetin dhe sigurinë tonë për përfitim është e pamoralshme”, kanë thënë punëtorët e Facebook në ankesën e tyre.

/portali DurresLajm/

Na bëni like në facebook!: 

Lajme nga e njëjta kategori

Në kohët e sotme ka shumë platforma online që na survejojnë, madje edhe për aspekte më intime si gjatësia, pesha, hobit dhe kafshët shtëp

Google Chrome ose shfletuesi i internetit, nuk do të funksionojë në disa kompjutera duke filluar që nga viti 2022.

Numri i makinave elektrike në rrugët e Gjermanisë mund të rritet shumë më shpejt nga sa parashikojnë ekspertët.

Siguria e fortë është një prej opsioneve më të mira të WhatsApp-it, por aplikacioni nuk është aq i sigurtë sa mendoni.

Qëkur aplikacioni Google Photos doli në treg, mjaft përdorues ishin të kënaqur sepse ruanin fotot e tyre me një kapacitet pa limit.

Prodhuesi luksoz i makinave, Bentley, ka zbuluar planet për t'u bërë tërësisht elektrik deri në vitin 2030.

Nga muaji i ardhshëm, WhatsApp do të vijë për përdoruesit me një risi.

“Baby Shark”, kënga e këndshme dhe shumë tërheqëse për fëmijë e regjistruar nga kompania koreano jugore Pinkfong është bërë videoja më e

Adhuruesit e iPhone tashmë kanë mundësinë të kenë në duart e tyre iPhone 12 dhe iPhone 12 Pro, të cilat janë hedhur në treg.