Facebook vendos kufizime për dërgimin e mesazheve në Messenger

04/09/2020 - 15:18

Rrjeti më i madh social, Facebook ka ndërmarrë një tjetër veprim në përpjekje për të parandaluar keqinformimin dhe informacionet e rreme me përmbajtje të dëmshme.

Facebook ka vendosur disa “limite” për Messenger dhe tashmë përdoruesit e tij do të jenë në gjendje të dërgojnë mesazhe vetëm në pesë persona ose grupe në të njëjtën kohë.

Masa e marrë vjen në kuadër të shqetësimit të vazhdueshëm në lidhje me përhapjen e informacioneve jo të vërteta për virusin.  

"Ne po vendosim një limit të mesazheve në Messenger, për të ndihmuar në frenimin e përpjekjeve të atyre që kërkojnë të shkaktojnë kaos, pasiguri ose të shpërndajnë informacione jo të sakta.", u shpreh drejtori për menaxhimin dhe sigurinë e Messenger, Jay Sullivan.

Kjo veçori e re është përpjekja e fundit e Facebook për t’u ofruar përdoruesve të Messenger një përvojë më të sigurt dhe më private të dërgimit të mesazheve.

Facebook tha se vendimi është i rëndësishëm në kushtet kur pandemia globale vazhdon dhe kur priten të zhvillohen zgjedhjet në SHBA, Zelandën e Re dhe vende të tjera.

Shefi ekzekutiv, Mark Zuckerberg gjithashtu ka zbuluar hapat për të mbrojtur zgjedhjet, duke përfshirë kufizimet në reklamat e reja politike në javën para zgjedhjeve në SHBA dhe heqjen e postimeve, që pretendojnë se njerëzit do të marrin Covid-19 nëse marrin pjesë në votime.

/portali DurresLajm/

Na bëni like në facebook!: 

Lajme nga e njëjta kategori

Facebook-u do të fillojë të heqë pretendimet e sajuara lidhur me vaksinën kundër COVID-19 nga platforma e tij, njoftoi kjo kompani të enj

Italia e ka gjobitur Apple-in me 10 milionë euro për shkak të disa pretendimeve të konsideruara si mashtruese nga klientët të cilëve u ja

Versioni më i fundit i aplikacionit YouTube për televizorët android tani mbështetet edhe në videot 8K, sipas tvbeurope.

Në kohët e sotme ka shumë platforma online që na survejojnë, madje edhe për aspekte më intime si gjatësia, pesha, hobit dhe kafshët shtëp

Google Chrome ose shfletuesi i internetit, nuk do të funksionojë në disa kompjutera duke filluar që nga viti 2022.

Numri i makinave elektrike në rrugët e Gjermanisë mund të rritet shumë më shpejt nga sa parashikojnë ekspertët.

Më shumë se 200 mbikëqyrës të përmbajtjes në Facebook, nga e gjithë bota, kanë akuzuar kompaninë se i detyroi ata të ktheheshin në zyrë g

Siguria e fortë është një prej opsioneve më të mira të WhatsApp-it, por aplikacioni nuk është aq i sigurtë sa mendoni.

Qëkur aplikacioni Google Photos doli në treg, mjaft përdorues ishin të kënaqur sepse ruanin fotot e tyre me një kapacitet pa limit.