Hakerohet llogaria e shefit të Twitter-it, shpërthejnë sharjet raciste

31/08/2019 - 09:14

Llogaria e Shefit Ekzekutiv të Twitter Inc Jack Dorsey u hakerua të premten pasdite, duke dërguar tweet dhe retweets publike që përfshinin ofendime racore dhe mallkime të publikuara për më shumë se katër milion ndjekës. Ekipi i komunikimeve në Twitter – me qendër në San Francisko në Shtetet e Bashkuara – tha në një tweet se ishte në dijeni se llogaria ishte kompromentuar dhe po hetonte se si ndodhi hakerimi.

Por një koment vijues njoftonte se: “Llogaria tani është e sigurt dhe nuk ka asnjë tregues se sistemet e Twitter janë kompromentuar”. Njëra nga tweet-et pretendonte se udhëheqësi nazist Adolf Hitler ishte i pafajshëm, ndërsa të tjerët përmbanin komente raciste kundër afrikano-amerikanëve dhe hebrenjve.

Kishte gjithashtu një koment që theksonte së një bombë ishte vendosur në selinë e Twitter. Menjëherë pas hakerimit të llogarisë se Jack Dorsey, tweet-et fyese dhe retweet u fshinë.

Incidenti i së premtes vjen pasi kompania e mediave sociale është zotuar të përmirësojë ndërveprimin në platformë dhe Twitter vazhdon të kufizojë abuzimin verbal dhe gjuhën e urrejtjes. Aksionet në Twitter ranë më pak se një përqind pas këtij incident.

/portali DurresLajm/

Na bëni like në facebook!: 

Lajme nga e njëjta kategori

Kur Apple prezantoi telefonin e ri iPhone 11 Pro, mbrëmjen e së martës, fotografitë e pajisjes me lente të trefishtë nisën menjëherë të k

Prodhuesi me qendër në Stuttgart nuk humb shumë kohë pasi zbuloi modelin e tij të parë elektrik, "Taycan".

Përpjekjet historike të Indisë për të prekur Hënën, duket se dështuan pak para momentit final.

Prej disa ditësh shumë njerëz në botë kanë pasur probleme me llogaritë e tyre të Instagram për shkak të hakerave dhe mashtrimeve që ato p

Lamborghini ka prezantuar të martën makinën më të fuqishme që kanë bërë ndonjëherë.

Televizori 8K me ekran OLED, 88 inç, tashmë do të jetë në treg në të gjithë botën, pasi fillimisht nisën shitjet vetëm në Korenë e Jugut.