Kërkesat e Durrësit/ Çfarë blejnë më shumë durrsakët, “iPhone” apo “Samsung”?

Postuar: 11/10/2017 - 15:19

Telefonat e zgjuar apo smartphone-t siç njihen ndryshe, kryefjala e fundit e teknologjisë, janë përqafuar vitet e fundit nga pjesa dërrmuese e shqiptarëve duke na ndryshuar edhe jetesën e duke na bërë shumë prej nesh të varur pas tyre.

Shumëllojshmëria e programeve që ato ofrojnë, kualiteti i fotove etj, kanë bërë që i madh e i vogël të fiksohen keq pas celularit, duke kaluar orë të tëra duke lundruar në to. Sapo lançohen modelet e fundit të dy kompanive lider në botë sa i përket prodhimit të smartphone-ëve, (“Apple” dhe “Samsung”), edhe shqiptarët hyjnë në mesin e vendeve të tjera të botës që janë të interesuar se çfarë risie do të ketë celulari më i fundit.

Në këtë grup të të apasionuarve të teknologjisë, futen edhe banorët e Durrësit, interesi i të cilëve për të zotëruar smartphone-in e fundit që del në treg, ka ardhur gjithnjë e në rritje. Kështu deklaron për “DurrësLajm” një prej distributorëve kryesorë të shitjes së celularëve në qytetin e Durrësit. Menaxheri i shitjeve tregon interesat e durrsakëve, cila markë preferohet më tepër, cilët janë blerësit më të mëdhenj etj. Ai thekson se kërkesat e durrsakëve gjatë këtij 4-vjeçari të fundit janë gjithnjë e në rritje për të blerë celularin e fundit.

“iPhone” apo “Samsung”?

“iPhone” është marka që kërkohet më shumë nga qytetarët e Durrësit e pasuar nga ajo e “Samsung”-ut. Por megjithëse “Apple” preferohet më shumë nga durrsakët, “Samsung”-u është ai që më shet më tepër për shkak të shumëllojshmërisë së modeleve që gjiganti korean hedh në treg, pohon menaxheri i shitjeve.

Me para në dorë apo me kredi bankare?

Të shumtë janë edhe blerësit që zgjedhin të marrin një celular duke e paguar me këste mujore, por dominojnë ata që blenë direkt me para në dorë. Moshat e reja janë kryesisht në targetgrupin e parë që blenë me këste mujore në bankat me të cilat janë të lidhur distributorët në qytet. Ndërsa biznesmenët apo personat mbi moshën 30 vjeç blenë më tepër cash.

Të “çmendurit” pas modelit të fundit

Ata janë thjesht të “çmendur” për të pasur në duart e tyre modelin e fundit që del anekënd globit. Megjithëse celulari aktual që zotërojnë është thuajse i ri e në gjendje shumë të mirë funksionimi, ata thjesht duan atë të fundit!

Edhe në Durrës janë një grup personash, kryesisht biznesmenë, të cilët pa dalë ende në tregun shqiptar, e kanë porositur celularin e tyre të fundit kohë më parë, pohon menaxheri i shitjeve.

Rritje e kërkesave për celular të përdorur

Gjatë vitit të fundit, janë rritur edhe kërkesat për të blerë celularë të përdorur. Të gjithë ata që nuk kanë mundësi financiare për të marrë një të ri, zgjedhin të blenë një celular të përdorur, por në gjendje të mirë pune.

Celularët e fundit

“iPhone 8”, “iPhone 8 Plus”, “Samsung Galaxy S8”, “Samsung Galaxy S8 Plus”, “Samsung Galaxy Note 8”, janë modelet e fundit të dala nga dy kompanitë e suksesshme që janë në shitje edhe në tregun tonë. A janë blerë ato? Menjëherë, madje pa ardhur ende në dyqan!

S.L.

/portali DurresLajm/

Na bëni like në facebook!: 

Lajme nga e njëjta kategori

Aplikacioni WhatsApp nga dita në ditë sjell risi të reja për përdoruesit për të lehtësuar punën e tyre.

Mund të bëhet shumë shpejt e detyrueshme, një pajisje e cila aplikohet në ndenjësen e fëmijëve në makinë, në mënyrë që të evitohen tragje

   Përdoruesit e rrjetit social, Instagram në të gjithë botën kanë pasur vështirësi në postimin e fotove dhe videove mbrëmjen e sotme.

Të pasurit një iPhone është mënyra më e mirë për të përcaktuar nëse dikush është i pasur ose jo.

Rrjeti social “Facebook” është duke bërë disa testime për të shtuar një opsion të ri në aplikacionin që përdoret në smartphone.

   Wikipedia në Itali ka bllokuar lexuesit nga faqja e saj, në shenjë proteste për një ligj të Bashkimit Evropian rreth të drejtave të au

   Përdoruesit e Instagramit tashmë mund të shtojnë muzikë në “Story”-t e tyre, duke bashkuar fotot ose videot me këngët e preferuara.

Po, bateritë e telefonave tanë celularë nuk janë të mira sepse mezi zgjasin një ditë.

   Lëvizja “koha e mirëshpenzuar” që është duke gjithëpërfshirë teknologjinë mund të vijë në Facebook.

Shkencëtarët kanë zbuluar aksidentalisht një bateri telefoni që zgjat dy herë më shumë se ato aktuale.