Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Një platformë e re mediash sociale fiton popullaritet me shpejtësi

28/03/2021 - 11:10

Në hapësirën e mediave sociale është shfaqur një lojtar i ri që quhet “Clubhouse”. Por ndryshe nga platformat e tjera të mediave sociale, ajo nuk është e hapur për të gjithë. Korrespondentja e Zërit të Amerikës, Mariia Prus i hedh një sy kësaj platforme që u bë me shpejtësi e njohur.

Autorja e suksesshme Rahaf Harfoush po mban një diskutim në një platformë të re të mediave sociale të quajtur, “Clubhouse”. Për të paktën dy deri në tre orë në ditë, tre herë në javë ajo drejton shfaqje, merr pjesë në aktivitete dhe ndjek disa të tjera.

"Ka kuzhinierë dhe producentë filmash, sipërmarrës, artistë, shkrimtarë dhe atletë. Dhe të gjithë gjejnë grupin e përshtatshëm dhe të gjithë mendojnë se si mund të kontribuojnë", thotë ajo.

Zonja Harfoush thotë se diskutimet më interesante ndodhin në grupe të mbyllura. Por edhe në dhoma dixhitale të hapura ka shumë për të dëgjuar: shfaqje të drejtuara nga njerëz si Elon Musk, Mark Zuckerberg ose Jared Leto.

"Ju faleminderit që më ftuat, jam i kënaqur që jam me ju", thotë Vlad Tenev, shef ekzekutiv për kompaninë Robinhood.

"Vlad, na trego se çfarë ndodhi, na jep informacionin e brendshëm”, thotë Elon Mask.

Në rrjet mund të marrësh pjesë me ftesë dhe tani për tani gjendet vetëm në iPhone.

Platforma nuk lejon diskutime të regjistruara - përveçse kur folësi jep një leje të veçantë. Dhe aftësia për të arkivuar disa biseda mund të jetë një nga arsyet që së fundmi u rrit ndjeshëm numri i përdoruesve të “Clubhouse”, nga 600'000 në 8 milionë, duke e çuar vlerën e kompanisë në 1 miliard dollarë.

"Kjo u mundëson pjesëmarrësve që të kenë një përvojë audio në kohë reale, njësoj si një bisedë në grup me zë, por mund të lidhesh me njerëz që nuk i njeh akoma, ose mund të lidhesh me miqtë e tu", thotë analisti i teknologjisë, Jeremiah Owyang i kompanisë “Kaleido Insights”.

Zoti Owyang deri tani ka identifikuar pothuajse 30 konkurrentë të ngjashëm me “Clubhouse” dhe deri në fund të vitit parashikon që të ketë më shumë se 100. Një defekt i madh janë çështjet e privatësisë: përdoruesit duhet që gjithmonë ta marrin si të mirëqenë që po regjistrohen. Por kjo nuk është e gjitha.

"Për shembull, ngacmimi në internet ose keqinformimi ose veprime të tjera keqdashëse ose njerëz që thjesht kryejnë mashtrime ose madje edhe informacione të rreme që përhapen nga aktorë të shteteve të huaja dhe nga çdo vendndodhje e mundshme në botë", thotë ai.

Tani për tani, “Clubhouse” është falas, por ekspertët thonë se në të ardhmen kompania mund të konsiderojë mundësinë e anëtarësimit me pagesë dhe të reklamave.

/portali DurresLajm/

Na bëni like në facebook!: 

Lajme nga e njëjta kategori

Kompania WhatsApp po punon për të sjellë aftësinë për të dëgjuar një mesazh audio në iPhone para se ta dërgoni atë.

AOL dhe Yahoo janë duke u shitur përsëri, këtë herë te një firmë private kapitali Apollo Global Management për 5 miliardë dollarë.

Prej muajsh është folur që Apple po punon për një iPhone të palosshëm.

Është shumë e vështirë për të hakuar dhe për të ndërhyrë në një celular iPhone, për shkak të elementeve të mbrojtjes që ka.

 Agjensia hapësinore NASA fillon zyrtarisht ndërtimin e anijes së saj kozmike të quajtur Psyche, e cila do të eksplorojë asteroidin me të

Google po ndryshon politikën e punës nga shtëpia dhe po planifikon të kthejë më shumë njerëz në zyrat e kompanisë në SHBA.

Kompania ka njoftuar të mërkurën se Facebook Inc do të lejojë përdoruesit të personalizojnë postimet e tyre dhe do t’u japë kontroll se k

Me zhvillimin e teknologjisë dhe shkencës udhëtimet në hapësirë do të bëhen të mundura për njerëzit nëpër botë.

Shkencëtarët mund të kenë zbuluar një vrimë të zezë rreth 55,000 herë më të madhe se masa e diellit.

Tik Tok është platforma më e përdorur dhe më e pëlqyer nga  të rinjtë kohët e fundit, i cili është kthyer dhe në një trend në postimin e