Facebook njoftoi për shpërbërjen e një operacioni keqinformimi me qendër në Rusi drejt shumë vendeve afrikane, midis të cilave Bregu i Fildishtë, Republika Demokratike e Kongos dhe Kameruni.

Në total, Facebook ka eliminuar 35 llogari në rrjetin e tij, 53 faqe, shtatë grupe dhe pesë llogari në Instagram.

Personat përgjegjës për këtë manipulimin përdorën një kombinim të llogarive të rreme dhe llogarive autentike, që u përkisnin banorëve të Madagaskarit dhe Mozambikut.

Përmbajtjet ishin të përqendruara në informacione ndërkombëtare dhe vendore, ku përfshiheshin tema të tilla, si politika e Moskës në kontinentin afrikan, por edhe zgjedhjet në Madagaskar dhe Mozambik, ose kritikat mbi politikën amerikane dhe franceze në rajon.