Teknologjia 5G ndikon në përhapjen e koronavirusit? Ja çfarë thonë shkencëtarët

10/04/2020 - 09:03

Në kohën e pandemisë, janë përhapur edhe shumë teori mbi shkaqet e mundshme të virusit. Flasim për ato që quhen fake news, pra në njëfare mënyrë gojëdhëna bashkëkohore.

Një ndër to ishte që koronavirusi mund të ishte pasojë e teknologjisë 5G, ose të paktën që rrit mundësitë për t’u infektuar. Por  shkenca e mohon kategorikisht këtë gjë. Teoritë aktuale ndahen në dy grupe, që sipas së parës teknologjia 5G ul imunitetin e organizmit, duke e bërë njeriun më të brishtë e rrjedhimisht duke u prekur me lehtësisht. Ndërsa sipas idesë tjetër, është pikërisht 5G shkaktare e COVID-19.

Për Simon Clarke, profesor i mikrobiologjisë qelizore në Universitetin Britanik Reading, kjo gjë është e pamundur. Ai shpjegon se prania e valëve radio me frekuencë të lartë mund të influencojë në fiziologjinë e njeriut duke rritur temperaturën e trupit dhe duke dobësuar sisitemin imunitar, por duke qenë se valët e 5G kanë frekuenca mes 3-30 Ghz, këto bazuar në studimet e deritanishme, nuk arrijnë të dëmtojnë qelizat, ndryshe nga sa ndodh me rrezet diellore ose ato X.

Ndërsa duke ju referuar teorisë tjetër sipas së cilës është pikërisht 5G që e ka transmetuar virusin, komuniteti shkencor thotë se virusi transmetohet në rrugë ajrore, dhe në bazë të të gjitha studimeve në laborator mbi të, konkluzioni është se viruset dhe valet elektromagnetike që shfrytëzojnë celularët, funksionojnë në mënyra totalisht të ndryshme.

Këto teori të përhapura në rrjet në kohën e përhapjes së koronavirusit, pa baza shkencore, kanë shkaktuar edhe dëme anësore. Në Britaninë e madhe në zonat e Birmingham dhe Merseyside janë djegur antena të rrjetit 5G.

/portali DurresLajm/

Na bëni like në facebook!: 

Lajme nga e njëjta kategori

YouTube ka lëshuar një opsion tjetër që kujton përdoruesit të ndalojnë së shikuari video dhe të shkojnë që të flenë.

Rekord i ri për Zoom, videochat që u bë shumë i njohur pas epidemisë së koronavirusit.

Gjigandi i mediave sociale sjell dizanjin e ri të dekstopit, për të gjithë përdoruesit e tij.

Në 2020 interneti nuk është më luks, është një domosdoshmëri. Një router wi-fi ndodhet pothuajse në çdo shtëpi.

Çdokush mund të lexojë mesazhet në Instagram pa qenë nevoja që dërguesi ta kuptojë… e kjo falë një “truku” të vogël.

Facebook ka fshirë qindra llogari – më shumë se gjysma e tyre me qendër në Rusi, Iran dhe Gjeorgji – pasi ka zbuluar se ato u përkisnin r

Kompania Google është duke zhvilluar kartën e saj të debitit, si ‘fizike’ ashtu edhe ‘virtuale, e cila do të jetë rivalja e Apple Card.

Rreth 80% e të gjithë trafikut të të dhënave të telefonisë celulare në Norvegji kalon në infrastrukturën e kompanisë ‘Telenor’.

Apple dhe Google kanë bashkuar forcat dhe po punojnë së bashku për të krijuar një teknologji që do të paralajmërojë njerëzit nëse kanë qe

WhatsApp edhe më parë ka ndërmarrë hapa për të luftuar lajmet e rreme në aplikacionin e saj të mesazheve, siç është markimi i mesazheve q