Twitter do të dyfishojë gjatësinë e komenteve në këtë rrjet social, nga 140 shkronja që lejohen aktualisht në 280.
Sipas njoftimit të kompanisë vendimi do të prekë vetëm “një grup të vogël” përdoruesish.
Ndërsa u njoftua vendimi, nuk u tha nëse Presidenti Trump, një prej përdoruesve më të bujshëm të tij, do të jetë një prej personave që do të lejohet të postojë “twitter” më të gjata.
Gjuha japoneze, kineze dhe koreane përjashtohen nga vendimi për “tweete” të gjata, sepse këto gjuhë u mundësojnë njerëzve të thonë shumë më tepër duke përdorur pak shkronja.
